சென்னை டர்போ ரைடர்ஸ் – ஜேகே டயர் இணைந்து நடத்தும் தேசிய கார் பந்தயம்: அட்டவணை வெளியீடு!

சென்னையில் இயங்கும் சென்னை டர்போ ரைடர்ஸ் மற்றும் ஜேகே டயர் நிறுவனங்கள் இணைந்து இந்திய தேசிய கார் பந்தய சாம்பியன்ஷிப் போட்டிகளை அறிவித்துள்ளன. இந்த போட்டிகள் அனைத்தும் நேரலையில் ஒளிபரப்பு செய்யப்பட உள்ளன.

தேசிய கார் பந்தய சாம்பியன்ஷிப் அட்டவணை:

• 1-வது சுற்று: செப்டம்பர் 11 – 13 (காரி மோட்டார் ஸ்பீட்வே, கோவை)

• 2-வது சுற்று: அக்டோபர் 23 – 25 (காரி மோட்டார் ஸ்பீட்வே, கோவை)

• 3-வது சுற்று: நவம்பர் 13 – 15 (பெங்களூரு)

• இறுதிச் சுற்று: டிசம்பர் 11 – 13 (மெட்ராஸ் இன்டர்நேஷனல் சர்க்யூட், இருங்காட்டுக்கோட்டை, சென்னை)

தமிழ் ஹாக்கி லீக்: தெற்கு ரயில்வே மற்றும் SDAT அணிகள் அபார வெற்றி!

சென்னை எழும்பூரில் உள்ள மேயர் ராதாகிருஷ்ணன் விளையாட்டரங்கில் தமிழ் ஹாக்கி லீக் தொடர் விறுவிறுப்பாக நடைபெற்று வருகிறது. நேற்றைய போட்டிகளின் முடிவுகள்:

தெற்கு ரயில்வே vs இந்தியன் வங்கி: விறுவிறுப்பான இந்த ஆட்டத்தில் தெற்கு ரயில்வே அணி 3-2 என்ற கோல் கணக்கில் இந்தியன் வங்கியை வீழ்த்தியது. தெற்கு ரயில்வே சார்பில் சண்முகம் 2 கோல்களையும், கோபிந்த் படேல் ஒரு கோலையும் அடித்தனர்.

SDAT vs வருமானவரித்துறை: மற்றொரு ஆட்டத்தில் SDAT அணி 4-2 என்ற கோல் கணக்கில் வருமானவரித் துறை அணியை தோற்கடித்தது. SDAT அணி தரப்பில் கிருஷ்ணன் 2 கோல்களையும், கௌதம் மற்றும் அரவிந்த் ஆகியோர் தலா ஒரு கோலையும் பதிவு செய்தனர்.

ஆர்.பிரக்ஞானந்தா அதிரடி வெற்றி: சின்க்ஃபீல்டு செஸ் தொடரில் முதலிடம்!