நெதர்லாந்து மற்றும் பெல்ஜியத்தில் நடைபெற்று வரும் உலகக் கோப்பை ஹாக்கித் தொடரின் ஆடவர் பிரிவு 2-வது சுற்றுப் போட்டியில், இந்திய அணி நடப்பு சாம்பியனான நெதர்லாந்திடம் தோல்வியடைந்தது.
போட்டி நிலவரம்:
சுவாரஸ்யமாக நடைபெற்ற இப்போட்டியில் நெதர்லாந்து அணி 3-1 என்ற கோல் கணக்கில் இந்தியாவை வீழ்த்தி வெற்றி பெற்றது.
நெதர்லாந்து கோல்கள்: டெல்ஜென்காம்ப் டுக்கோ (41-வது நிமிடம்), செப் ஹூடேமேக்கர்ஸ் (51-வது நிமிடம்) மற்றும் வான் டாம் தையிஸ் (55-வது நிமிடம்) ஆகியோர் தலா ஒரு கோல் அடித்தனர்.
இந்திய அணி கோல்: இந்திய அணி தரப்பில் 52-வது நிமிடத்தில் கேப்டன் ஹர்மன்பிரீத் சிங் ஆறுதல் கோல் ஒன்றை அடித்தார்.
இந்தத் தோல்வியின் மூலம் தொடரின் அரையிறுதிப் போட்டிக்கு முன்னேறும் வாய்ப்பை இந்திய அணி இழந்து வெளியேறியது.
20-வது ஆசிய விளையாட்டுப் போட்டி: 492 இந்திய வீரர், வீராங்கனைகளுக்கு மத்திய அரசு அனுமதி!