தமிழ்நாடு முதலமைச்சர் மு.க.ஸ்டாலின் தலைமையில் இன்று (செப்.26) சென்னையில் உள்ள தலைமைச் செயலகத்தில், மாநிலத்தின் சட்டம் ஒழுங்கு குறித்த ஆய்வுக் கூட்டம் நடைபெற்றது.
பழம்பெரும் நடிகை வஹிதா ரஹ்மானுக்கு தாதா சாகேப் பால்கே விருது!
இக்கூட்டத்தில், தமிழக அரசின் தலைமைச் செயலாளர் சிவ் தாஸ் மீனா இ.ஆ.ப., உள்துறை முதன்மைச் செயலாளர் பெ.அமுதா இ.ஆ.ப., காவல்துறை தலைமை இயக்குநர் சங்கர் ஜிவால் இ.கா.ப., சென்னை பெருநகர காவல் ஆணையர் சந்தீப்ராய் ரத்தோட் இ.கா.ப., தாம்பரம் மாநகர காவல் ஆணையர் முனைவர் அமல்ராஜ் இ.கா.ப., ஆவடி மாநகர காவல் ஆணையர் சங்கர் இ.கா.ப. காவல்துறை மற்றும் அரசு உயர் அலுவலர்கள் கலந்து கொண்டனர்.
கூட்டத்தில் பேசிய முதலமைச்சர் மு.க.ஸ்டாலின், “மாநில அரசின் பல்வேறு நடவடிக்கைகளால் தமிழகத்தில் கள்ளச்சாராய விற்பனை குறைந்துள்ளது. ஐந்து மாதங்களாக கள்ளச்சாராயம் காய்ச்சுதல், விற்பனையைத் தடுக்க பல்வேறு நடவடிக்கைகள் எடுக்கப்பட்டன. மலைப்பகுதிகள், எல்லை மாவட்டங்களில் கஞ்சா பயிரிடுதல், போதைப்பொருள் கடத்தலை தடுக்க நடவடிக்கை எடுக்கப்பட்டுள்ளது.
தமிழகத்தில் சட்டம், ஒழுங்கு பிரச்சனை உருவாகாமல் மிக மிக கவனமாகக் கண்காணிக்க வேண்டும். அடுத்த ஆண்டு நாடாளுமன்றத் தேர்தல் நடைபெற இருப்பதால் காவல்துறையினர், கவனமாகக் கண்காணிக்க வேண்டும். நுண்ணறிவுப் பிரிவு காவல்துறையினர், ஒவ்வொரு நிகழ்வையும் உன்னிப்பாகக் கவனித்து நடவடிக்கை எடுக்க வேண்டும்.
நடுரோட்டில் போதை ஆசாமி அட்டகாசம்
சமூக ஊடகப்பதிவுகளில் சாதி, மத ரீதியான வன்மங்களைப் பரப்புவோர் மீது நடவடிக்கை எடுக்க வேண்டும். வருவாய்த்துறை அலுவலர்களுடன் இணைந்து பணிபுரிந்தால் காவல்துறையின் பணித்திறன் பன்மடங்கும் மேம்படும்” எனத் தெரிவித்தார்.