தமிழ்நாட்டில் காலியாக உள்ள சட்டமன்றத் தொகுதிகளுக்கான இடைத்தேர்தல் களம் உச்சக்கட்டத்தை எட்டியுள்ள நிலையில், மதுராந்தகம் மற்றும் தாராபுரம் தொகுதிகளில் போட்டியிடும் தமிழக வெற்றிக் கழகத்தின் (தவெக) வேட்பாளர்கள், தவெகவின் முக்கிய நிர்வாகியும் அமைச்சருமான என். ஆனந்த் (பசிபிக் ஆனந்த்) முன்னிலையில் தங்களது வேட்புமனுவைத் தாக்கல் செய்தனர்.
மதுராந்தகம்: மரகதம் குமரவேல் வேட்புமனு தாக்கல் மதுராந்தகம் (தனி) சட்டமன்றத் தொகுதி இடைத்தேர்தலில் தவெக சார்பில் போட்டியிடும் வேட்பாளர் மரகதம் குமரவேல், தொகுதி தேர்தல் நடத்தும் அலுவலரிடம் தனது பூர்த்தி செய்யப்பட்ட வேட்புமனுவைச் சமர்ப்பித்தார்.
அமைச்சர் ஆனந்த் வருகை: வேட்புமனுத் தாக்கலின் போது தவெக முதன்மை நிர்வாகியும் அமைச்சருமான என். ஆனந்த் உடன் இருந்து வேட்பாளரை உற்சாகப்படுத்தினார்.
கூட்டணிக் கட்சி தலைவர்கள் பங்கேற்பு: தவெக தலைமையிலான ‘மதச்சார்பற்ற சமூக நீதி வெற்றி கூட்டணி’யின் (Secular Social Justice Victory Alliance) தோழமைக் கட்சி நிர்வாகிகளும் பெருந்திரளாகப் பங்கேற்றனர்.
தாராபுரம்: சத்யபாமா வேட்புமனு தாக்கல் இதேபோன்று தாராபுரம் (தனி) தொகுதியில் போட்டியிடும் தவெக வேட்பாளர் பி. சத்யபாமாவும், அமைச்சர் என். ஆனந்த் மற்றும் கூட்டணிக் கட்சித் தலைவர்கள் முன்னிலையில் தாராபுரம் தேர்தல் அதிகாரியிடம் தனது வேட்புமனுவைத் தாக்கல் செய்தார்.
பிரமாண்ட ஊர்வலம்: வேட்புமனுத் தாக்கல் செய்வதற்கு முன்னதாகக் தொண்டர்கள் மற்றும் கூட்டணிக் கட்சியினரின் பிரமாண்டப் பேரணியுடன் தேர்தல் அலுவலகத்திற்கு அழைத்து வரப்பட்டனர்.
வரலாற்றுச் சிறப்புமிக்க வெற்றி பெறுவோம்: தவெக நம்பிக்கைவேட்புமனுத் தாக்கலுக்குப் பின் செய்தியாளர்களைச் சந்தித்த அமைச்சர் என். ஆனந்த் மற்றும் வேட்பாளர்கள் மரகதம் குமரவேல், சத்யபாமா ஆகியோர்:
முதலமைச்சர் விஜய்யின் சிறப்பான ஆட்சி நிர்வாகத்திற்கு சான்றாக இந்த இரண்டு தொகுதிகளிலும் தவெக கூட்டணி வேட்பாளர்கள் வரலாற்றுச் சிறப்புமிக்கப் பெரும் வாக்குகள் வித்தியாசத்தில் மகத்தான வெற்றி பெறுவார்கள்.
வேட்புமனு தாக்கல் நிறைவடைந்துள்ளதைத் தொடர்ந்து தவெக மற்றும் அதன் கூட்டணிக் கட்சியினர் இரு தொகுதிகளிலும் வாக்கு சேகரிக்கும் பணிகளை வீதி வீதியாகத் தீவிரப்படுத்தியுள்ளனர்.
கோ ஆப்டெக்ஸ் தீபாவளி சிறப்புத் தள்ளுபடி விற்பனை: கோவையில் அமைச்சர் சம்பத்குமார் தொடக்கி வைத்தார்!