திருவள்ளுரில் குடும்ப அட்டை பெயர் திருத்த முகாம்

திருவள்ளுரில் குடும்ப அட்டை பெயர் திருத்த முகாம்

திருவள்ளுர் மாவட்டத்தில் குடும்ப அட்டை பெயர் திருத்த முகாம் வரும் 9ந் தேதி நடைபெறவுள்ளதாக கலெக்டர் தெரிவித்துள்ளார்.

திருவள்ளுர் மாவட்டத்தில் அனைத்து வட்டங்களிலும் குடும்ப அட்டைகளில் பெயர் சேர்த்தல், நீக்கல், முகவரி மாற்றம் தொடர்பாக சிறப்பு முகாம் வரும் 9ந் தேதி நடைபெறவுள்ளது. அதன்படி திருவள்ளுர் வட்டம் சிவன்வாயல் கிராமம் நியாயவிலை கடை, ஊத்துக்கோட்டை வட்டம், பனையஞ்சேரி கிராமம் நியாய விலை கடை, பூந்தமல்லி வட்டம் கம்மவார்கண்டிகை கிராமம் வி ஏ ஓ அலுவலகம், திருத்தணி வட்டம் சூரிய நகரம் கிராமம் நியாயவிலை கடை, பள்ளிப்பட்டு வட்டம் ஈதலகுப்பம் கிராமம் நியாயவிலை கடை, பொன்னேரி வட்டம் புது எருமைவெட்டிபாளையம் நியாயவிலை கடை, கும்மிடிப்பூண்டி வட்டம் ராஜபாளையம் கிராமம் நியாயவிலை கடை, ஆவடி வட்டம் திருநின்றவூர் வி.ஏ.ஓ. அலுவலகம், ஆர்.கே. பேட்டை வட்டம் ராகவ் நாயுடு குப்பம் கிராமம் நியாயவிலை கடை  ஆகிய கடைகளின் அருகில் சிறப்பு முகாம் நடைபெறவுள்ளது.

எனவே, சிறப்பு முகாம் நடைபெறும் கிராமத்தைச் சேர்ந்த பொதுமக்கள் தங்கள் மின்னனு குடும்ப அட்டையில் திருத்தம் மற்றும் புகைப்படம் பதிவு செய்தல் தொடர்பான விண்ணப்பங்களை உரிய ஆவணங்களுடன் அளித்து பயன்பெறும் மாறும், விண்ணப்பங்களை ஆன்லைனின் பதிவு செய்யுமாறும் கலெக்டர் ஆல்பிஜான் வர்கீஸ் தெரிவித்துள்ளார்.