தமிழ் திரையுலகின் இளம் நட்சத்திரங்களான நடிகர் ஆனந்த் ராம் மற்றும் நடிகை பிரிகிடா சாகா ஆகியோருக்கு இன்று கோலாகலமாகத் திருமணம் நடந்து முடிந்துள்ளது. இவர்களின் திருமணப் புகைப்படங்கள் தற்போது சமூக வலைதளங்களில் வைரலாகி ரசிகர்களின் வாழ்த்துகளைக் குவித்து வருகின்றன.
காதல் ஜோடியின் பிண்ணனி
ஆனந்த் ராம்: ஹிப்ஹாப் தமிழா ஆதியின் இயக்கத்தில் வெளியான ‘மீசைய முறுக்கு’ படத்தில் ஆதியின் தம்பியாக நடித்து திரைத்துறையில் கவனம் பெற்றவர். ரசிகர்கள் இவரை அன்பாக ‘மீசைய முறுக்கு தம்பி’ என்றே அழைத்து வருகின்றனர்.
பிரிகிடா சாகா: யூடியூபில் வெளியான ‘ஆஹா கல்யாணம்’ வெப் தொடர் மூலம் மிகவும் பிரபலமானவர். இதில் இவர் ஏற்று நடித்த ‘பவி டீச்சர்’ கதாபாத்திரம் இவருக்கு மிகப்பெரிய அடையாளத்தைத் பெற்றுத் தந்தது.
நிச்சயதார்த்தமும் திருமணமும்
நீண்ட நாட்களாகக் காதலித்து வந்த இவர்கள், கடந்த ஜூலை மாதம் நடிகர் ஆனந்த் ராமின் பிறந்தநாளை முன்னிட்டு தங்களது காதலை வெளிப்படுத்தியதுடன், அதிகாரப்பூர்வமாகத் திருமண நிச்சயதார்த்தமும் செய்து கொண்டனர். இந்த ஆண்டில் தங்களுக்குத் திருமணம் நடைபெறும் என்றும் அறிவித்திருந்தனர். இந்நிலையில், தற்போது இவர்களின் திருமணம் குடும்பத்தினரின் ஆசியுடன் இனிதே நடந்துள்ளது.
இன்ஸ்டாகிராமில் நெகிழ்ச்சி பதிவு
திருமணம் முடிந்த கையோடு, தங்களது திருமணப் புகைப்படங்களை நடிகை பிரிகிடா சாகா தனது அதிகாரப்பூர்வ இன்ஸ்டாகிராம் பக்கத்தில் பகிர்ந்துள்ளார். அதில், “நாங்கள் திருமணம் செய்துகொண்டோம்! எங்களுக்குக் கிடைத்த அனைத்து ஆசிகளுக்கும் நன்றி தெரிவித்துக்கொள்கிறோம். அதனால் மனம் நெகிழ்ந்து போயுள்ளோம்” என உணர்ச்சிபூர்வமாகப் பதிவிட்டுள்ளார். புதுமணத் தம்பதியினரான ஆனந்த் ராம் மற்றும் பிரிகிடா சாகா ஜோடிக்குத் திரையுலக பிரபலங்களும், ரசிகர்களும் தங்களது மனமார்ந்த வாழ்த்துகளைத் தெரிவித்து வருகின்றனர்.