தனியார் பள்ளிகளிடம் ரூ.100 கோடி வசூல் செய்ததாகப் புகார் முக்கிய அம்சங்கள் ஒரு பார்வையில்:
வழக்குப்பதிவு:
திமுக முன்னாள் அமைச்சர் அன்பில் மகேஷ் மீது சென்னை மத்திய குற்றப்பிரிவு (Central Crime Branch) போலீஸார் ஊழல் வழக்குப்பதிவு செய்துள்ளனர்.
மோசடிப் புகாரின் பின்னணி: தனியார் பள்ளி நிர்வாகங்களிடம் உரிய அங்கீகாரம் மற்றும் டி.டி.சி.பி. (DTCP) அனுமதி பெற்றுத் தருவதாகக் கூறி சுமார் ரூ.100 கோடி வரை வசூலித்து மோசடி செய்ததாகப் புகார் எழுந்துள்ளது.
சோதனை நடவடிக்கை: இப்புகாரின் அடிப்படையில், திருச்சி உள்ளிட்ட சில இடங்களில் உள்ள அவருக்குச் சொந்தமான இடங்களில் மத்திய குற்றப்பிரிவு காவல்துறையினர் தீவிர சோதனைகளில் ஈடுபட்டுள்ளனர்.
விரிவானச் செய்தி:
தமிழ்நாட்டின் முன்னாள் பள்ளி கல்வித்துறை அமைச்சர் அன்பில் மகேஷ் பொய்யாமொழி மீது கடுமையான குற்றச்சாட்டின் கீழ் ஊழல் வழக்குப்பதிவு செய்யப்பட்டுள்ளது.
தனியார் பள்ளி உரிமையாளர்கள் மற்றும் நிர்வாகத்தினரிடம் முறையான அங்கீகாரம் மற்றும் டி.டி.சி.பி (DTCP) எனப்படும் நகர் மற்றும் ஊரமைப்பு இயக்ககத்தின் அனுமதிகளைப் பெற்றுத் தருவதாகக் கூறி, திமுக ஆட்சிக் காலத்தில் கோடிக்கணக்கில் பணம் வசூலிக்கப்பட்டதாகப் புகார்கள் எழுந்தன.
இதன் அடிப்படையில், ஏறத்தாழ ரூ.100 கோடி வரை முறைகேடு மற்றும் வசூல் செய்யப்பட்டுள்ளதாகக் கூறப்படுகிறது.
இந்தப் புகாரின் தீவிரத்தலைக் கருத்திற்கொண்டு, சென்னை பெருநகர காவல்துறைக்கு உட்பட்ட மத்திய குற்றப்பிரிவு (CCB) அதிகாரிகள் இவ்வழக்கைப் பதிவு செய்து விசாரணையைத் தீவிரப்படுத்தியுள்ளனர்.
இதன் ஒரு பகுதியாக, திருச்சியில் உள்ள முன்னாள் அமைச்சர் அன்பில் மகேஷின் இல்லம் மற்றும் தொடர்புடைய இடங்களில் காவல்துறையினர் சோதனைகளையும் மேற்கொண்டு வருகின்றனர்.
இந்தச் சம்பவம் தமிழக அரசியல் வட்டட்டத்தில் பெரும் பரபரப்பை ஏற்படுத்தியுள்ளது.