சர்வதேச விண்வெளி நிலையத்தில் (ISS) இருக்கும் இந்திய விண்வெளி வீரர் சுபான்ஷு சுக்லா, இரவு நேரத்தில் பூமி சுழன்று செல்லும் பேரழகு காட்சியைத் தனது கேமராவில் பதிவு செய்து சமூக வலைத்தளங்களில் பகிர்ந்துள்ளார். இக்கவர்ச்சிகரமான வீடியோ இணையவாசிகளின் கவனத்தை ஈர்த்து வைரலாகி வருகிறது.
மணிக்கு 26,000 கி.மீ வேகத்தில் அற்புதம்!
சர்வதேச விண்வெளி நிலையமானது பூமியை மணிக்கு சுமார் 26,000 கிலோமீட்டர் வேகத்தில் சுற்றி வருகிறது. இந்த அதிவேகப் பயணத்தின் போது, பூமியின் மீது இரவு மெல்லப் படர்ந்து தழுவிச் செல்லும் அபூர்வமான காட்சியை விண்வெளி வீரர் சுபான்ஷு சுக்லா வீடியோவாகப் பதிவு செய்துள்ளார். வெளிச்சப் புள்ளிகளாக மின்னும் நகரங்களின் விளக்குகளுக்கு இடையே, பூமியை இருள் மெல்ல ஆட்கொள்ளும் இக்காட்சி காண்போரைக் கட்டிப்போடும் வகையில் அமைந்துள்ளது.
“சலிக்காத அற்புதம்” — சுபான்ஷு சுக்லா நெகிழ்ச்சி!
இந்த விண்வெளி வீடியோவைப் பகிர்ந்துள்ள சுபான்ஷு சுக்லா, அதில் தனது உணர்வுப்பூர்வமான அனுபவத்தையும் பதிவிட்டுள்ளார், “விண்வெளியில் இருந்து பூமியைப் பார்ப்பதும், இரவு நேர இருள் பூமியை மெல்லத் தழுவிச் செல்லும் இந்தக் காட்சியைக் காண்பதும் எத்தனை முறை பார்த்தாலும் சலிக்காத ஒரு பேரற்புதம்!” என்று அவர் நெகிழ்ச்சியுடன் குறிப்பிட்டுள்ளார்.
இணையத்தில் வைரலாகும் வீடியோ
இந்திய விண்வெளி வீரன் ஒருவரிடமிருந்து வந்துள்ள இந்தக் அபூர்வக் காட்சிக்கு இணையத்தில் பெரும் வரவேற்பு கிடைத்து வருகிறது. பலரும் இந்த வீடியோவைப் பகிர்ந்து, விண்வெளியில் இருந்து பூமி எவ்வளவு அழகாகக் காட்சியளிக்கிறது என்றும், இந்தியாவிற்குப் பெருமை சேர்த்த சுபான்ஷு சுக்லாவிற்குத் தங்கள் வாழ்த்துகளையும் தெரிவித்து வருகின்றனர்.
ஈரானின் உச்ச தலைவர் முஸ்தபா காமேனி குறித்த மர்மமும், அதிபரின் அதிரடி சந்திப்பும்!