ஐக்கிய நாடுகள் சபை கூட்டத்தில் பேசிய மத்திய வெளியுறவுத்துறை அமைச்சர் எஸ். ஜெய்சங்கர், சர்வதேச கடல்வழிகளில் பயணிக்கும் வர்த்தகக் கப்பல்கள் மற்றும் மாலுமிகளை குறிவைத்து தாக்குதல் நடத்துவது ஏற்றுக்கொள்ள முடியாதது என்று தெரிவித்துள்ளார்.
மத்திய கிழக்கில் நீடித்து வரும் பதற்றங்களுக்கு மத்தியில், கடல்வழி வர்த்தகம் மற்றும் மாலுமிகளின் பாதுகாப்பை உறுதி செய்ய வேண்டியதன் அவசியத்தை அவர் வலியுறுத்தினார்.
வர்த்தகக் கப்பல்கள் மீதான தாக்குதல்கள் சர்வதேச வர்த்தகத்தை பாதிப்பதுடன், பல்வேறு நாடுகளைச் சேர்ந்த மாலுமிகளின் உயிருக்கும் ஆபத்தை ஏற்படுத்துகின்றன. எனவே, அனைத்து தரப்பினரும் பதற்றத்தைத் தணிக்கும் நடவடிக்கைகளை மேற்கொள்ள வேண்டும் என்று ஜெய்சங்கர் வலியுறுத்தினார்.
கடல்வழி பாதுகாப்பு மற்றும் மாலுமிகளின் நலனை உறுதி செய்யும் வகையில் இந்தியா உள்ளிட்ட நாடுகள் சர்வதேச அளவில் ஒருங்கிணைந்து செயல்பட வேண்டியதன் அவசியத்தையும் அவர் சுட்டிக்காட்டினார்.
மேலும், மேற்கு ஆசியா மற்றும் உக்ரைன் உள்ளிட்ட பகுதிகளில் நீடிக்கும் மோதல்களுக்கு அமைதியான தீர்வை காண வேண்டும் என்றும், உணவு, எரிசக்தி மற்றும் வர்த்தக விநியோகங்கள் தடையின்றி நடைபெறுவது உறுதி செய்யப்பட வேண்டும் என்றும் ஜெய்சங்கர் தெரிவித்தார்.
AI மூலம் வங்கி அதிகாரிகள் போல ஆள்மாறாட்டம்! இத்தாலியில் ரூ.1,034 கோடி மோசடி – அதிர்ச்சி சம்பவம்