அமெரிக்கா மற்றும் தென்கொரியா நாடுகள் இணைந்து நடத்தவுள்ள பிரம்மாண்ட கூட்டு ராணுவப் பயிற்சிக்கு முன்னதாக, வடகொரியா மீண்டும் ஒரு பாலிஸ்டிக் ஏவுகணையை (Ballistic Missile) ஏவிப் பரிசோதித்து பிராந்தியத்தில் பெரும் பரபரப்பை ஏற்படுத்தியுள்ளது.
வடகொரியாவின் கிழக்குக் கடற்பகுதியை நோக்கி இந்த ஏவுகணை ஏவப்பட்டதாகத் தென்கொரியா மற்றும் ஜப்பான் ராணுவ அதிகாரிகள் அதிகாரப்பூர்வமாக உறுதிப்படுத்தியுள்ளனர்.
ஏவுகணைப் பரிசோதனை மற்றும் விவரங்கள்:
வடகொரியாவின் கிழக்குக் கடலோர நகரமான வோன்சான் (Wonsan) பகுதியில் இருந்து காலை 6 மணியளவில் இந்த ஏவுகணை விண்வெளியை நோக்கிச் செலுத்தப்பட்டது.
பயண தூரம்: இந்த ஏவுகணை சுமார் 700 கிலோமீட்டர் (435 மைல்கள்) தூரம் பறந்து சென்று ஜப்பானின் பிரத்யேக பொருளாதார மண்டலத்திற்கு (EEZ) வெளியே கடலில் விழுந்தது.
உயரம்: இந்த ஏவுகணை அதிகபட்சமாக 90 கிலோமீட்டர் உயரம் வரை சென்று பாய்ந்ததாக ஜப்பான் பாதுகாப்பு அமைச்சகம் தெரிவித்துள்ளது.
கூட்டு ராணுவப் பயிற்சிக்கு எதிர்ப்பு:
தென்கொரியா மற்றும் அமெரிக்க படைகள் இணைந்து ஆகஸ்ட் 17 முதல் 27 வரை ‘உல்ச்சி ஃப்ரீடம் ஷீல்ட்’ (Ulchi Freedom Shield) என்ற பெயரில் பிரம்மாண்ட கூட்டு ராணுவப் பயிற்சியை நடத்தத் திட்டமிட்டுள்ளன.
இந்த ராணுவப் பயிற்சியைத் தங்களுக்கு எதிரான “போர்ப் பயிற்சி” எனக் கூறி ஆரம்பம் முதலே வடகொரியா கடுமையாக எதிர்த்து வருகிறது. அதற்குப் பதிலடி கொடுக்கும் வகையிலும், தங்கள் ராணுவப் பலத்தைக் காட்டும் நோங்கிலுமே வடகொரியா இந்த ஏவுகணைப் பரிசோதனையை மேற்கொண்டுள்ளதாக அரசியல் வல்லுநர்கள் தெரிவிக்கின்றனர்.
வடகொரியாவின் தொடர் ஏவுகணைப் பரிசோதனைகளுக்குத் தென்கொரியா, ஜப்பான் மற்றும் அமெரிக்கா ஆகிய நாடுகள் கடும் கண்டனம் தெரிவித்துள்ளன.
அவசரக் கூட்டம்: தென்கொரிய தேசிய பாதுகாப்பு அலுவலகம் அவசரக் கூட்டத்தைக் கூட்டி, ஐக்கிய நாடுகள் சபையின் பாதுகாப்பு கவுன்சில் தீர்மானங்களை மீறி வடகொரியா செயல்படுவதாகக் குற்றம் சாட்டியுள்ளது.
ஜப்பான் எதிர்ப்பு: பெய்ஜிங்கில் உள்ள தூதரக வழிகள் மூலம் வடகொரியாவிற்குத் தனது வலுவான எதிர்ப்பைப் பதிவு செய்துள்ளதாக ஜப்பான் பாதுகாப்பு அமைச்சர் தெரிவித்துள்ளார்.
ஜிம்பாப்வேயில் கோர விபத்து: கரிபா ஏரியில் படகு கவிழ்ந்து 15 பேர் பரிதாப பலி – 27 பேரின் நிலை என்ன?