மொபைல் எண் இனி ரகசியம்! வாட்ஸ்அப்பின் புதிய Username வசதியை பயன்படுத்துவது எப்படி?
வாட்ஸ்அப் பயனர்களின் நீண்டகால எதிர்பார்ப்புகளில் ஒன்றான ‘யூசர் நேம்’ (Username) வசதியை மெட்டா நிறுவனம் அதிகாரப்பூர்வமாக அறிமுகப்படுத்தியுள்ளது. பயனர்களின் தனியுரிமையை (Privacy) பாதுகாக்கும் நோக்கில் கொண்டுவரப்பட்டுள்ள இந்த வசதி, இனி மொபைல் எண்ணை பகிராமலேயே மற்றவர்களுடன் தொடர்புகொள்ள உதவும்.
இந்த வசதியின் முக்கிய அம்சங்கள்:
மொபைல் எண் பாதுகாப்பு:
அறிமுகம் இல்லாதவர்களிடம் அல்லது குழுக்களில் (Groups) இனி உங்கள் தனிப்பட்ட மொபைல் எண்ணைக் காட்ட வேண்டிய அவசியம் இல்லை. அதற்குப் பதிலாக உங்கள் தனித்துவமான ‘யூசர் நேம்’-ஐ மட்டும் பகிர்ந்துகொண்டால் போதும்.
Username Key (கூடுதல் பாதுகாப்பு):
ஒருவருக்கு நீங்கள் மெசேஜ் அனுப்பும்போதோ அல்லது யாரிடமாவது இருந்து மெசேஜ் வரும்போதோ கூடுதல் பாதுகாப்பிற்காக ‘யூசர் நேம் கீ’ (Username Key) வசதியையும் பயன்படுத்தலாம். இதைச் சரியாக உள்ளிட்டால் மட்டுமே உரையாடலைத் தொடங்க முடியும்.
விருப்பமான பெயரைத் தேர்வு செய்தல்:
இன்ஸ்டாகிராம் மற்றும் ஃபேஸ்புக்கில் பயன்படுத்துவது போன்றே இதிலும் உங்கள் விருப்பமான பெயர்களைப் பதிவு செய்துகொள்ளலாம்.
எப்படி முன்பதிவு செய்வது?
இந்த வசதி தற்போது படிப்படியாக பயனர்களுக்கு வழங்கப்பட்டு வருகிறது.
உங்கள் வாட்ஸ்அப் செயலியை Play Store அல்லது App Store மூலம் சமீபத்திய பதிப்பிற்கு (Latest version) அப்டேட் செய்யவும்.
வாட்ஸ்அப்பைத் திறந்து Settings பகுதிக்குச் செல்லவும். அதில் Account என்பதை கிளிக் செய்யவும். அங்கு Username என்ற புதிய விருப்பம் இருக்கும். அதைத் தேர்வு செய்து, உங்களுக்குப் பிடித்த தனித்துவமான பெயரைப் பதிவு செய்யலாம்.
இந்த வசதி குறித்த அறிவிப்பு வாட்ஸ்அப் செயலியில் வரும் வரை காத்திருந்து, வந்தவுடன் நீங்கள் முன்பதிவு செய்துகொள்ளலாம். இந்த ஆண்டின் இறுதிக்குள் அனைத்து பயனர்களுக்கும் இந்த அம்சம் முழுமையாகச் செயல்பாட்டிற்கு வரும் என்று எதிர்பார்க்கப்படுகிறது.