கோடிகளை குவிக்கும் பிரசாந்தின் ‘அந்தகன்’ பட வசூல்!

அந்தகன் படத்தின் வசூல் நிலவரம்டாப் ஸ்டார் என்று ரசிகர்களால் கொண்டாடப்படும் பிரசாந்த் நடிப்பில் கடந்த ஆகஸ்ட் 9 ஆம் தேதி அந்தகன் எனும் திரைப்படம் வெளியானது. கிரைம் திரில்லர் கதைக்களத்தில் உருவாகியிருந்த இந்த படத்தை பிரசாந்தின் தந்தை தியாகராஜன் இயக்கி இருந்தார். பைவ் ஸ்டார் மூவிஸ் நிறுவனம் படத்தை தயாரித்துள்ளது சந்தோஷ் நாராயணன் இதற்கு இசை அமைத்திருக்கிறார். படத்தில் பிரசாந்த், சிம்ரன், சமுத்திரக்கனி, கார்த்திக், பிரியா ஆனந்த், யோகி பாபு, கே எஸ் ரவிக்குமார் உள்ளிட்ட பலர் முக்கிய கதாபாத்திரங்களில் நடித்திருந்தனர். மிகுந்த எதிர்பார்ப்புகளுடன் உருவாகி இருந்த இந்த படம் பல வருடங்களாக கிடப்பில் கிடந்தது. அதைத்தொடர்ந்து ஒரு வழியாக ரிலீஸ் செய்யப்பட்ட அந்தகன் திரைப்படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் பெரும் வரவேற்பை பெற்று வெற்றிப்பாதையில் நகர்ந்து கொண்டிருக்கிறது. ஏற்கனவே இந்த படம் வெளியான முதல் நாளில் கிட்டத்தட்ட 65 லட்சம் வரை வசூல் செய்திருந்த நிலையில் 3 நாட்களில் இந்த படம் 3 கோடி ரூபாய்க்கும் அதிகமாக வசூல் செய்துள்ளது என புதிய தகவல் வெளிவந்துள்ளது. படத்திற்கு தொடர்ந்து பாசிட்டிவ்வான விமர்சனங்கள் கிடைத்து வருவதால் இனி வரும் நாட்களிலும் படத்தின் வசூல் அதிகரிக்கும் என்று எதிர்பார்க்கப்படுகிறது.