தளபதி என்று ரசிகர்களால் கொண்டாடப்படும் விஜய் தமிழ் சினிமாவில் ஒரு நடிகராக மட்டுமில்லாமல் தற்போது அரசியல்வாதியாகவும் உருவெடுத்துள்ளார்.
அதன்படி தளபதி 69 படத்திற்கு பிறகு முழு நேர அரசியல்வாதியாக மாற இருக்கும் விஜய், 2026 சட்டமன்றத் தேர்தலில் போட்டியிட இருப்பதாக கடந்த சில மாதங்களுக்கு முன்னரே அதிகாரப்பூர்வமாக அறிவித்திருந்தார். எனவே ஒரு பக்கம் சினிமாவில் நடித்து வந்தாலும், மறுபக்கம் அரசியல் தொடர்பான பணிகளையும் மிகத் தீவிரமாக செய்து வருகிறார். அந்த வகையில் தமிழக வெற்றிக் கழகத்தின் முதல் மாநாடு இன்று (அக்டோபர் 27) விக்கிரவாண்டியில் உள்ள வி. சாலையில் நடைபெற இருக்கிறது. இதற்கான முழு ஏற்பாடுகளும் நடைபெற்று வருகின்றன. பல ஊர்களில் இருந்து ரசிகர்களும் தொண்டர்களும் விஜயின் கட்சி மாநாட்டில் கலந்து கொள்ள படையெடுத்து வருகின்றனர். திரை பிரபலங்கள் பலரும் கலந்து கொள்ள இருப்பதாக சொல்லப்படுகிறது.
All the very best @actorvijay sir…. Wishing u all Success in ur new Journey 👍👍 pic.twitter.com/ki3kKJDdK6
— karthik subbaraj (@karthiksubbaraj) October 27, 2024
இந்நிலையில் கார்த்திக் சுப்பராஜ், விஜய் சேதுபதி, சாந்தனு போன்றோர் விஜய்க்கு வாழ்த்து தெரிவித்து வருகின்றனர். அதன்படி கார்த்திக் சுப்பராஜ் வெளியிட்டுள்ள பதிவில், “விஜய் அவர்களுக்கு உங்கள் புதிய பயணம் வெற்றி பெற வாழ்த்துகிறேன்” என்று குறிப்பிடப்பட்டுள்ளது.
இன்று தனது புதிய பயணத்தை தொடங்கவிருக்கும் விஜய் சாருக்கு எனது மனமார்ந்த வாழ்த்துகள் 🙏❤️ @tvkvijayhq
— Sivakarthikeyan (@Siva_Kartikeyan) October 27, 2024
நடிகர் சிவகார்த்திகேயன், “இன்று தனது புதிய பயணத்தை தொடங்க இருக்கும் விஜய் சாருக்கு என்னுடைய மனமார்ந்த வாழ்த்துக்கள்” என்று தனது சமூக வலைதள பக்கத்தில் விஜய்க்கு வாழ்த்து தெரிவித்துள்ளார்.
தவெக கட்சியின் முதல் மாநில மாநாடு சிறக்க,.
தவெக தலைவர் விஜய் சாருக்கும், தொண்டர்களுக்கு
வாழ்த்துகள் #TVK_maanadu pic.twitter.com/dk9hU9wSDy— VijaySethupathi (@VijaySethuOffl) October 27, 2024
அடுத்தது விஜய் சேதுபதி தனது எக்ஸ் தள பக்கத்தில், “த.வெ.க கட்சியின் முதல் மாநில மாநாடு சிறக்க, த.வெ.க தலைவர் விஜய் சாருக்கும் தொண்டர்களுக்கும் என்னுடைய வாழ்த்துக்கள்” என்று பதிவிட்டுள்ளார்.
Big day for @actorvijay anna ❤️
Best wishes to you na on your first Manadu 💥🎉 @tvkvijayhq #TVK_maanadu
Looking forward to his speech and #Tvk ideologies ☺️ pic.twitter.com/q7b9KmG4tw— Shanthnu (@imKBRshanthnu) October 27, 2024
மேலும் நடிகர் சாந்தனு, “இன்று மிகப்பெரிய நாள் விஜய் அண்ணா. உங்கள் முதல் மாநாட்டிற்கு என் மனமார்ந்த வாழ்த்துக்கள். த.வெ.க மாநாடு மற்றும் அவரது பேச்சிற்காக ஆவலுடன் காத்துக்கொண்டிருக்கின்றேன்” என்று தனது சமூக வலைதள பக்கத்தில் பதிவிட்டுள்ளார்.
Dearest Vijay sir, leaving cinema at your prime and wanting to serve people through electoral politics is a big big decision. Wishing you the best for your biggest journey yet.!❤️@actorvijay @tvkvijayhq
— RJ Balaji (@RJ_Balaji) October 27, 2024
இயக்குனரும் நடிகருமான ஆர்.ஜே பாலாஜி, “அன்புள்ள விஜய் சார், சினிமாவை விட்டு அரசியலில் மக்களுக்கு சேவை செய்ய வேண்டும் என்ற உங்களின் முடிவு மிகப் பெரியது. உங்கள் மிகப்பெரிய பயணம் இன்னும் சிறப்பாக அமைய வாழ்த்துகிறேன்” என்று பதிவிட்டுள்ளார்.
உங்கள் வரவு, எளிய மக்களுக்கான பெரிய நம்பிக்கையாக அமையட்டும். 👍
நல் வாழ்த்துகள்…விஜய் சார் @actorvijay @tvkvijayhq #TVKMaanaduoct27 #Thalapathy#தமிழகவெற்றிக்கழகம் pic.twitter.com/rAVGa4oj6z— M.Sasikumar (@SasikumarDir) October 27, 2024
நடிகர் சசிகுமார் தனது சமூக வலைதள பக்கத்தில், “உங்கள் வரவு எளிய மக்களுக்கான பெரிய நம்பிக்கையாக அமையட்டும். நல்வாழ்த்துக்கள் விஜய் சார்” என்று பதிவிட்டுள்ளார்.