ஜெயம் ரவி நடிப்பில் உருவாகி இருக்கும் பிரதர் படத்தின் டிரைலர் வெளியாகி உள்ளது.
ஜெயம் ரவி பொன்னியின் செல்வன் படத்தின் பிரம்மாண்ட வெற்றிக்கு பிறகு ஏகப்பட்ட படங்களில் கமிட்டாகி நடித்து வருகிறார். அந்த வகையில் தற்போது இவர் நடித்திருக்கும் பிரதர் திரைப்படம் வருகின்ற அக்டோபர் 31ஆம் நாளில் தீபாவளி தினத்தன்று திரைக்கு வர தயாராகி வருகிறது. இந்த படத்தினை சிவா மனசுல சக்தி படத்தின் இயக்குனர் எம்.ராஜேஷ் இயக்கியிருக்கிறார். ஸ்கிரீன் சீன் மீடியா நிறுவனம் இந்த படத்தை தயாரிக்க ஹாரிஸ் ஜெயராஜ் இதற்கு இசை அமைத்துள்ளார். விவேகானந்த் சந்தோஷம் இதன் ஒளிப்பதிவு பணிகளை கவனித்துள்ளார். இந்த படத்தில் ஜெயம் ரவி தவிர பிரியங்கா அருள் மோகன், பூமிகா சாவ்லா, நட்டி நடராஜ், சீதா, சரண்யா பொன்வண்ணன், விடிவி கணேஷ் உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். இந்த படம் அக்கா – தம்பி உறவை மையமாக வைத்து உருவாக்கப்பட்டு இருக்கிறது. ஏற்கனவே இந்த படத்தின் அடுத்தடுத்த பாடல்கள் வெளியாகி ரசிகர்களை கவர்ந்த நிலையில் தற்போது இந்த படத்தின் டிரைலரை படக்குழு வெளியிட்டுள்ளது.
இந்த ட்ரெய்லரை பார்க்கும்போது எம் ராஜேஷின் முந்தைய படங்களைப் போல் இந்த படம் காமெடி கலந்த குடும்பப் பொழுது போக்க படமாக உருவாகி இருக்கிறது என்பது தெரியவந்துள்ளது. எனவே இந்த படம் ரசிகர்கள் மத்தியில் நல்ல வரவேற்பை பெறும் என்று எதிர்பார்க்கப்படுகிறது. தற்போது இந்த ட்ரெய்லர் சமூக வலைதளங்களை ரசிகர்களால் அதிகம் பகிரப்பட்டு வைரலாகி வருகிறது.