தனுஷ் நடிக்கும் குபேரா படத்தின் கிளிம்ப்ஸ் வெளியீட்டு நேரம் அறிவிக்கப்பட்டுள்ளது.
நடிகர் தனுஷ் தற்போது பல படங்களில் பிஸியாக நடித்து வருகிறார். அந்த வகையில் ராயன் படத்தை தொடர்ந்து இட்லி கடை எனும் திரைப்படத்தை தானே இயக்கி நடித்து வருகிறார் தனுஷ்.
மேலும் ராஜ்குமார் பெரியசாமி இயக்கத்தில் புதிய படம் ஒன்றில் நடிப்பதற்கு கமிட்டாகி இருக்கிறார். அடுத்தது தேரே இஷ்க் மெய்ன் போன்ற படங்களையும் கைவசம் வைத்துள்ளார். இதற்கிடையில் தான் தெலுங்கு இயக்குனர் சேகர் கம்முலா இயக்கத்தில் தனது 51வது திரைப்படத்தில் நடித்து முடித்துள்ளார் தனுஷ். ஸ்ரீ வெங்கடேஸ்வரா சினிமாஸ் நிறுவனம் தயாரித்திருக்கும் இந்த படத்திற்கு குபேரா என்ற தலைப்பு வைக்கப்பட்டிருக்கிறது. இந்த படத்தில் தனுஷ் உடன் இணைந்து நாகார்ஜுனா, ராஷ்மிகா மந்தனா ஆகியோர் முக்கிய கதாபாத்திரங்களில் நடித்திருக்கின்றனர். தேவி ஸ்ரீ பிரசாத் இதற்கு இசையமைத்திருக்கிறார். இந்த படத்தின் படப்பிடிப்புகள் ஏறத்தாழ நிறைவடைந்த நிலையில் படமானது விரைவில் வெளியாகும் என்று எதிர்பார்க்கப்படுகிறது. 
அதேசமயம் இந்த படத்தின் கிளிம்ப்ஸ் வீடியோ இன்று (நவம்பர் 15) வெளியாகும் என ஏற்கனவே அறிவிக்கப்பட்டிருந்தது. அதன்படி இன்று மாலை 5.31 மணி அளவில் வெளியாகும் என படக்குழு புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது. அதுமட்டுமில்லாமல் கிளிம்ப்ஸ் வீடியோவை நடிகர் மகேஷ்பாபு வெளியிட இருக்கிறார் என்பது குறிப்பிடத்தக்கது.