நாடாளுமன்றத்தின் கண்ணியத்தை பாரதிய ஜனதா கட்சியினர் மீறுவதாக திமுக மாநிலங்களவை குழு தலைவர் திருச்சி சிவா டெல்லியில் பேட்டியளித்துள்ளார்!
நாடாளுமன்ற மழைக்கால கூட்டத்தொடரின் முதல் நாளான இன்று அதானி உள்ளிட்ட விவகாரங்களை எதிர்க்கட்சி எம்.பிக்கள் கேள்வி எழுப்பியதின் காரணமாக எழுந்த கூச்சல் குழப்பத்தால் நாள் முழுவதும் அவை ஒத்தி வைக்கப்பட்டது.
அவை ஒத்திவைக்கப்பட்ட பிறகு டெல்லியில் செய்தியாளர்களை சந்தித்த திமுக மாநிலங்களவை குழு தலைவர் திருச்சி சிவா, எதிர்க்கட்சி உறுப்பினர்கள் அவர்களுக்கு என்று உள்ள அதிகாரத்தின்படி அவையில் ஒத்திவைப்பு தீர்மான நோட்டீசை பல்வேறு முக்கிய பிரச்சினைகளில் விவாதம் கோரி வழங்குகிறார்கள். ஆனால் அதனை உரிய பரிசீலனை செய்யாமல் அவை தலைவர் ஏற்றுக்கொள்ள மறுப்பதாகவும் தெரிவித்த திருச்சி சிவா, மணிப்பூர் மாநிலத்தில் ஒரு வருடத்திற்கு மேலாக நடைபெற்று வரும் கலவரத்தினால் ஏராளமானோர் கொல்லப்பட்டு பிணமாக கண்டெடுக்கப்படும் நிலையில், பிரதமர் நரேந்திர மோடி இப்போது வரை ஒரு முறை கூட அங்கு செல்லவில்லை என தெரிவித்துள்ளார்.
எனவே அரசாங்கத்தின் குறைகளை சுட்டிக் காட்ட வேண்டிய கடமையில் உள்ள எதிர்க்கட்சிகள், அதனை சுட்டிக் காட்டினால் பாஜக உறுப்பினர்கள் கூச்சல் குழப்பத்தில் ஈடுபடுகிறார்கள் என்றும் ஆளும் கட்சியினர் கதையை மாற்றுகிறார்கள் எனவும், நாடாளுமன்றத்திற்கு என உள்ள கண்ணியத்தை காப்பாற்றி செயல்பட வேண்டியவர்கள் அப்படி செயல்படாமல் எதிர்கட்சிகள் மீது குறைகளை கூறுவதாகவும் திருச்சி சிவா குற்றம் சாட்டினார்.
அ.தி.மு.க. கூட்டணிக்குச் சென்றால் திருமாவுக்கு துணை முதல்வர் பதவி..? குறுக்குசால் ஓட்டும் விசிக