ஜனநாயகன் படத்தில் ரீமிக்ஸ் பாடல் ஒன்று இடம் பெற்றுள்ளதாக தகவல் வெளியாகியிருக்கிறது.
தளபதி என்று ரசிகர்களால் கொண்டாடப்படும் விஜயின் 69 ஆவது படமாக உருவாகியுள்ள திரைப்படம் தான் ஜனநாயகன். இந்த படத்தை ஹெச். வினோத் இயக்க கே.வி.என் ப்ரொடக்ஷன்ஸ் நிறுவனம் படத்தை தயாரித்து இருக்கிறது. மிகுந்த எதிர்பார்ப்புகளுடன் உருவாகும் இந்த படத்தின் படப்பிடிப்பை ஏற்கனவே நிறைவடைந்து நிலையில் படமானது 2026 ஜனவரி 9 அன்று உலகம் முழுவதும் திரைக்கு வர தயாராகி வருகிறது. அதே சமயம் இந்த படத்தில் இருந்து அடுத்தடுத்த போஸ்டர்களும், கிளிம்ப்ஸ் வீடியோவும் வெளியாகி ரசிகர்களை உற்சாகப்படுத்தி வருகிறது. அடுத்தது இப்படத்திலிருந்து முதல் பாடல் வெளியாகும் என எதிர்பார்க்கப்படுகிறது.
இதற்கிடையில் இந்த படம் தொடர்பான பல தகவல்கள் வெளியாகி ரசிகர்கள் மத்தியில் எதிர்பார்ப்பை அதிகப்படுத்தி வருகின்றன. அந்த வகையில் ஏற்கனவே இந்த படத்தில் நடிகர் விஜய் போலீஸ் கதாபாத்திரத்தில் நடித்திருப்பதும், இது முழுக்க முழுக்க அரசியல் படமாக இருக்கும் என்பதும் ரசிகர்களின் ஆர்வத்தை தூண்டி உள்ளது. அடுத்தது இந்த படத்தில் ‘பகவந்த் கேசரி’ படத்தில் இடம்பெற்ற முக்கியமான காட்சி ஒன்று இதில் இடம் பெற்று இருப்பதாக சொல்லப்படுகிறது. இது தவிர அட்லீ, லோகேஷ், நெல்சன் ஆகியோர் இப்படத்தில் சிறப்பு தோற்றத்தில் நடித்திருப்பதாகவும் பல தகவல்கள் சமூக வலைதளங்களில் உலா வருகிறது. இதைவிட இந்த படத்தை கூடுதல் ஸ்பெஷலாக மாற்ற எம்.ஜி.ஆர் சம்பந்தமான பாடல்கள் அல்லது எம்.ஜி.ஆரின் புகைப்படங்கள் ஜனநாயகன் படத்தில் இடம் பெறலாம் என்று ஏற்கனவே செய்திகள் வெளியாகின. 
அதன்படி எம்.ஜி.ஆரின் ‘நான் ஆணையிட்டால் பாடல்’ இப்படத்தில் ரீமிக்ஸ் செய்யப்பட்டிருப்பதாக புதிய தகவல் கிடைத்துள்ளது. இந்த தகவல் எந்த அளவிற்கு உண்மை என்று தெரியவில்லை. ஆனால் அப்படி உண்மையாகும் பட்சத்தில் ரசிகர்கள் இந்த பாடலையும், ‘ஜனநாயகன்’ படத்தையும் கொண்டாடுவதற்கு இப்பொழுதே தயாராகி வருகிறார்கள்.