மாரி செல்வராஜின் அடுத்த படத்தில் ஹீரோவாகும் பிரபல நடிகரின் மகன்!

பிரபல நடிகரின் மகன், மாரி செல்வராஜின் அடுத்த படத்தில் ஹீரோவாக நடிக்க உள்ளார் என தகவல் வெளியாகி இருக்கிறது.

தமிழ் சினிமாவில் தனித்துவமான படங்களை இயக்கி ரசிகர்கள் மத்தியில் மிகவும் பிரபலமானவர் மாரி செல்வராஜ். இவருடைய இயக்கத்தில் வெளியான பரியேறும் பெருமாள், கர்ணன், மாமன்னன், வாழை ஆகிய படங்கள் பெரும் தாக்கத்தை ஏற்படுத்தியதோடு மட்டுமல்லாமல் மிகப்பெரிய வரவேற்பையும் பெற்றது. இதைத்தொடர்ந்து மாரி செல்வராஜ், துருவ் விக்ரம் நடிப்பில் பைசன் திரைப்படத்தை இயக்கியிருக்கிறார். இந்த படம் வருகின்ற அக்டோபர் 17ஆம் தேதி தீபாவளி தினத்தை முன்னிட்டு திரைக்கு வர முழு வீச்சில் தயாராகி வருகிறது. இது தவிர மாரி செல்வராஜ், தனுஷின் 56வது படத்தை இயக்க உள்ளார் என ஏற்கனவே அறிவிக்கப்பட்டிருக்கிறது. மேலும் கார்த்தியை வைத்து புதிய படம் பண்ணப் போவதாகவும் தகவல் கசிந்திருந்தது. ஆனால் மாரி செல்வராஜ் இதற்கிடையில் வேறொரு புதிய படத்தை இயக்கப் போகிறாராம். அதாவது இந்த படத்தில் பிரபல நடிகரும், துணை முதலமைச்சருமான உதயநிதி ஸ்டாலினின் மகன் இன்பநிதி கதாநாயகனாக அறிமுகமாக இருக்கிறார் என்றும் இந்த படம் தான் மாரி செல்வராஜின் அடுத்த படமாக இருக்கும் என்றும் சினிமா வட்டாரங்கள் தெரிவிக்கின்றன. விரைவில் மற்ற அப்டேட்டுகள் வெளியாகும் என எதிர்பார்க்கப்படுகிறது.

உதயநிதியின் மகன் இன்பநதி, தனுஷின் இட்லி கடை படத்தின் மூலம் விநியோகஸ்தராக அறிமுகமாகியுள்ளார். இது தவிர நடிப்பு பயிற்சிகளையும் மேற்கொண்டு வருகிறார். சமீபத்தில் இவர் நடிப்பு கற்றுக்கொண்டது தொடர்பான காட்சிகள் வெளியாகி இணையத்தில் வைரலாகி வந்தது குறிப்பிடத்தக்கது.