ஹரிஷ் கல்யாணின் புதிய பட டைட்டில் அறிவிக்கப்பட்டுள்ளது.
தமிழ் சினிமாவில் முக்கியமான இளம் நடிகர்களில் ஒருவர் ஹரிஷ் கல்யாண். இவரது நடிப்பில் கடைசியாக ‘டீசல்’ திரைப்படம் வெளியானது. சண்முகம் முத்துசாமி இயக்கியிருந்த இந்த படம் கலவையான விமர்சனங்களை பெற்றது. இதற்கிடையில் ஹரிஷ் கல்யாண் தொடர்ந்து அடுத்தடுத்த படங்களில் கமிட் ஆகி நடித்து வருகிறார். அந்த வகையில் இவர், ‘லிஃப்ட்’ படத்தின் இயக்குனர் வினீத் வரபிரசாத் இயக்கத்தில் தனது 15வது திரைப்படத்தில் நடிக்கிறார். 
இதில் ஹரிஷ் கல்யாண் உடன் இணைந்து ப்ரீத்தி முகுந்தன், சத்யராஜ், சுனில் ஆகியோர் நடித்துள்ளனர். கார்த்திக் அசோகன் இதன் ஒளிப்பதிவாளராக பணியாற்ற பிரிட்டோ மைக்கேல் இசையமைத்துள்ளார். ஐடிஏஏ ப்ரொடக்ஷன்ஸ் நிறுவனம் இந்த படத்தை தயாரிக்கிறது. ஏற்கனவே இந்த படத்தின் படப்பிடிப்புகள் தொடங்கி விறுவிறுப்பாக நடைபெற்று முடிந்ததாக சொல்லப்படுகிறது.
இந்நிலையில் இந்த படத்தின் டைட்டில் ப்ரோமோவை படக்குழு வெளியிட்டுள்ளது. ஏற்கனவே வெளியான தகவலின்படி இந்த படத்திற்கு தாஷமக்கான் என்று தலைப்பு வைக்கப்பட்டிருக்கிறது. மேலும் இந்த ப்ரோமோவில் ஹரிஷ் கல்யாண் மிரட்டான லுக்கல் காட்டப்பட்டுள்ளார். இதை பார்க்கும் போது இந்த படமும் ‘டீசல்’ படத்தை போல் ஆக்ஷன் திரில்லர் படமாக உருவாகி இருப்பது போல் தெரிகிறது. இந்த ப்ரோமோ, படத்தின் மீதான எதிர்பார்ப்பை அதிகப்படுத்தி இருப்பதோடு இணையத்திலும் வைரலாகி வருகிறது.