தமிழக அரசியலில் பெரும் திருப்பமாக, நடிகர் விஜய் தலைமையிலான தமிழக வெற்றிக் கழகத்திற்கு (TVK) ஆதரவு அளிப்பதாக அதிமுகவின் முக்கியத் தலைவர்களில் ஒருவரான சி.வி. சண்முகம் இன்று அறிவித்துள்ளார். இன்று காலை செய்தியாளர்களைச் சந்தித்த அவர், தமிழகத்தில் நிலவும் தற்போதைய அரசியல் சூழலைக் கருத்தில் கொண்டு இந்த முடிவை எடுத்துள்ளதாகத் தெரிவித்தார்.
செய்தியாளர் சந்திப்பில் அவர் கூறியதாவது;
கடந்த தேர்தல்களில் அதிமுக சந்தித்த தொடர் பின்னடைவுகளைத் தொடர்ந்து, கட்சியின் எதிர்காலத்தைக் கருத்தில் கொண்டு வெற்றிபெற்ற தமிழக வெற்றிக் கழகத்திற்கு ஆதரவு அளிக்க முடிவு செய்துள்ளதாக சி.வி. சண்முகம் குறிப்பிட்டார்.
எங்கள் கட்சியின் அடிப்படை நோக்கமே திமுகவை எதிர்ப்பதுதான். அந்த வகையில் திமுகவுக்கு மாற்றாக உருவெடுத்துள்ள டிவிஜே-வை ஆதரிப்பது காலத்தின் கட்டாயம்” என அவர் தெரிவித்தார்.
எடப்பாடி பழனிசாமி தலைமையிலான தலைமை நடுநிலை வகிக்க விரும்பும் நிலையில், சி.வி. சண்முகம் மற்றும் எஸ்.பி. வேலுமணி தலைமையிலான ஒரு தரப்பு விஜய்க்கு ஆதரவாகச் செயல்படத் தொடங்கியிருப்பது அதிமுகவில் ஒரு பிளவை ஏற்படுத்தியுள்ளதாகத் தெரிகிறது.
சமீபத்தில் நடைபெற்ற தேர்தலில் தமிழக வெற்றிக் கழகம் தனிப்பெரும் கட்சியாக உருவெடுத்த நிலையில், ஆட்சியமைக்கத் தேவையான பெரும்பான்மையை நிரூபிக்க இத்தகைய ஆதரவுகள் முக்கியமானதாகப் பார்க்கப்படுகின்றன. ஏற்கனவே சில கூட்டணிக் கட்சிகள் ஆதரவு தெரிவித்துள்ள நிலையில், அதிமுகவின் ஒரு பிரிவினரின் இந்த முடிவு விஜய் முதல்வராகப் பொறுப்பேற்ற பின் சட்டப்பேரவையில் பலப்பரீட்சையைச் சந்திக்க உதவும் எனக் கருதப்படுகிறது.
தமிழக முதல்வர் விஜய் அதிரடி: 717 டாஸ்மாக் கடைகளை மூட உத்தரவு!