காங்கிரஸ் தலைவர் ராகுல் காந்தியை சமூக வலைத்தளத்தில் விமர்சிக்க முயன்ற கல்லூரி உதவிப் பேராசிரியருக்கு, அவர் பதிவிட்ட பதிவில் இருந்த ஆங்கில இலக்கணப் பிழைகளைச் சுட்டிக்காட்டி நெட்டிசன்கள் பாடம் எடுத்த சம்பவம் இணையத்தில் வைரலாகியுள்ளது. ஆங்கிலம் மற்றும் கல்வியியலில் இரண்டு முதுகலை பட்டங்கள் (Master’s Degrees) பெற்றுள்ளதாகக் கூறிக்கொண்ட பேராசிரியரின் பதிவுக்கே இந்த நிலை ஏற்பட்டுள்ளது பலத்த விவாதத்தை ஏற்படுத்தியுள்ளது.
மேற்கு வங்கத்தைச் சேர்ந்தவர் மற்றும் தன்னை உதவிப் பேராசிரியராக அறிமுகப்படுத்திக் கொண்ட அஷிதா (அர்ப்பிதா) சட்டர்ஜி என்பவர், ‘எக்ஸ்’ (X) சமூக வலைத்தளத்தில் காங்கிரஸ் தலைவர் ராகுல் காந்தியின் ‘அंधபக்த்’ (Andhbhakt) குறித்த கருத்துகளைக் கண்டித்து பதிவொன்றை வெளியிட்டார். அவர் தனது பதிவில், “அன்புள்ள ராகுல் காந்தி, நான் ஒரு பெருமைமிக்க அந்தபக்த் மற்றும் உதவிப் பேராசிரியை. ஆங்கிலம் மற்றும் கல்வியியலில் இரண்டு மாஸ்டர் டிகிரி வைத்துள்ளேன். மேலும் பி.எட் பட்டமும் பெற்றுள்ளேன், தற்போது முழூநேர பிஎச்டி (PhD) படித்து வருகிறேன். உங்கள் கூற்றுப்படி அந்தபக்த் என்பவர்கள் முட்டாள்கள் என்றால், நானும் ஒரு முட்டாளா? உங்களுக்கு உறுதியாகத் தெரியுமா?”*என்று கேள்வி எழுப்பியிருந்தார்.
அரசியலைத் தாண்டிய இலக்கண விவாதம்
ராகுல் காந்திக்கு எதிரான இந்தப் பதிவு அரசியல் ரீதியான விவாதத்தை ஏற்படுத்தும் என்று எதிர்பார்க்கப்பட்ட நிலையில், அது முற்றிலும் திசைமாறியது. ஆங்கிலம் மற்றும் கல்வியியலில் முதுகலை பட்டம் பெற்றுள்ளதாகக் கூறிய அந்தப் பேராசிரியரின் ஆங்கில வாக்கியங்களில் பல இலக்கணப் பிழைகள் இருப்பதை நெட்டிசன்கள் உடனடியாகக் கண்டுபிடித்தனர்.
- பன்மைப் பிழை (Plural Error):பதிவில் “two master’s degree” என்று குறிப்பிடப்பட்டிருந்தது. ஆனால், இரண்டைக் குறிக்கும்போது அது “two master’s degrees” என்று பன்மையில் வர வேண்டும் என்று சுட்டிக்காட்டப்பட்டது.
- கட்டுரை விடுபடுதல் (Missing Article):”pursuing PhD” என்பதற்குப் பதிலாக ஆங்கில இலக்கண விதிப்படி “pursuing a PhD” என்று எழுதியிருக்க வேண்டும்.
- மற்ற பிழைகள்:வாக்கிய அமைப்பு மற்றும் நிறுத்தற் குறிகளிலும் (Punctuation) பல தவறுகள் இருப்பதாகக் கூறி, பலரும் அவருடைய பதிவின் ஒவ்வொரு வரியையும் திருத்தி கமெண்ட் செய்யத் தொடங்கினர்.
சமூக வலைத்தளங்களில் வெடித்த மீம்ஸ்கள்
“ஆங்கிலத்தில் முதுகலை பட்டம் பெற்ற ஒருவரே இப்படிப் பிழையாக எழுதினால் எப்படி?” என்று பலரும் கிண்டல் செய்யத் தொடங்கினர். அரசியல் விவாதம் ஓரம் கட்டப்பட்டு, இந்தச் சம்பவம் இணையவாசிகளுக்கு ஒரு இலவச ஆங்கில இலக்கண வகுப்பாக மாறிவிட்டது. இருப்பினும், சமூக வலைத்தளங்களில் அவசரமாகப் பதிவிடும்போது எண்களோ அல்லது சிறிய தவறுகளோ இயல்பாக நடக்கும் என்றும், அதற்காக ஒருவரின் கல்வித் தகுதியைத் தாக்குவது முறையல்ல என்றும் சில பயனர்கள் அவருக்கு ஆதரவு தெரிவித்தும் வருவது குறிப்பிடத்தக்கது.