புதுச்சேரியில் சமூக ஆர்வலர் என்ற பெயரில் பெண்மையை கொச்சைப்படுத்தும் வகையில் செயல்பட்டதாகக் கூற புகாரின் அடிப்படையில், கோபால் என்பவரை ஒதியஞ்சாலை காவல்துறையினர் வழக்குப் பதிந்து கைது செய்துள்ளனர்.
காவல் நிலையத்தில் புகார்
புதுச்சேரியில் சமூக ஆர்வலர் என்ற பெயரில் தன்னைத் தொடர்ந்து இழிவுபடுத்தி வருவதாகவும், பெண்மையை கொச்சைப்படுத்தும் வகையில் செயல்படும் கோபால் என்பவர் மீது தகுந்த நடவடிக்கை எடுக்க வேண்டும் என்றும் கோரி, திமுக மாநில மகளிர் அணி அமைப்பாளர் காயத்ரி ஒதியஞ்சாலை காவல் நிலையத்தில் அதிகாரப்பூர்வமாகப் புகார் அளித்தார்.
காயத்ரியின் குற்றச்சாட்டு
இதுகுறித்து அவர் அளித்த புகாரில், “தன்னை மீண்டும் களங்கப்படுத்தும் நோக்கில் கோபால் மிகத் தரம் தாழ்ந்து, பெண்மையை கொச்சைப்படுத்தும் வகையில் பொய் புகார்களை அளித்து வருகிறார். எனவே, சமூக ஆர்வலர் போர்வையில் செயல்படும் கோபால் மீது உடனடியாக வழக்குப் பதிந்து உரிய நடவடிக்கை எடுக்க வேண்டும்” என்று அவர் குறிப்பிட்டுள்ளார்.
கைது நடவடிக்கை
புகாரின் தீவிரத்தலைக் கருத்தில் கொண்ட ஒதியஞ்சாலை காவல்துறையினர், கோபால் மீது பல்வேறு பிரிவுகளின் கீழ் வழக்குப் பதிவு செய்து அவரை அதிரடியாகக் கைது செய்தனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.