இந்தியாவில் உள்ள Gen Z (ஜென் ஜி – 1990களின் பிற்பகுதியிலிருந்து 2010களின் தொடக்கம் வரை பிறந்தவர்கள்) தலைமுறையினர், ஆடம்பரமான வாழ்க்கை முறைக்காகவே அதிகம் செலவிடுகிறார்கள் என்ற பொதுவான கருத்து நிலவி வருகிறது. ஆனால், அதற்கு மாறாக அவர்கள் தங்களது வருமானத்தில் பெரும்பகுதியை அன்றாட அத்தியாவசியத் தேவைகளுக்கே செலவிடுகின்றனர் என்ற உண்மை ‘SalarySe’ நிறுவனம் நடத்திய சமீபத்திய ஆய்வில் தெரியவந்துள்ளது.
சம்பளம் வந்ததும் எங்க போகுது தெரியுமா?
“SalarySe ஆய்வறிக்கையின்படி, பணிக்குச் செல்லும் Gen Z இளைஞர்கள் தங்களது மாதாந்திர வருமானத்தின் பெரும்பகுதியை வீட்டு வாடகை, மின்சாரக் கட்டணம் மற்றும் ஓ.டி.டி (OTT) சந்தாக்களுக்கே முதன்மையாகச் செலவிடுகின்றனர். இதனைத் தொடர்ந்து, தங்களது மீதமுள்ள தொகையைக் கொண்டு தினசரி உணவுத் தேவைகள், மளிகைப் பொருட்கள் மற்றும் அத்தியாவசிய ஆடைப் பிரியர்களுக்கான ஷாப்பிங் போன்ற அன்றாடக் காரியங்களையே பூர்த்தி செய்து வருகின்றனர்.”
வாடகை மற்றும் மாதாந்திரக் கட்டணங்களே முதன்மை!
சுற்றுலாவுக்கு வெறும் 5% மட்டுமே செலவு!
Gen Z தலைமுறையினர் பொருள் சார்ந்த ஆடம்பரங்களை விட, புதிய அனுபவங்களை (எடுத்துக்காட்டாக: சுற்றுலா செல்வது, புதிய இடங்களைச் காண்பது) பெறவே அதிகம் விரும்புகிறார்கள் என்று பரவலாகக் கூறப்பட்டு வந்தது. ஆனால், நிதிநிலை யதார்த்தம் இதற்கு முற்றிலும் வேறாக உள்ளது. இந்த ஆய்வின் தரவுகளின்படி, அவர்கள் தங்களது மொத்த வருமானத்தில் வெறும் 5 சதவீதப் பணத்தை மட்டுமே சுற்றுலா மற்றும் பயணங்களுக்காகச் (Travel & Tourism) செலவிட முடிகிறது என்பது தெரியவந்துள்ளது.
சமூகப் பார்வையும் நிஜ நிலவரமும்
பொதுவாக, Gen Z இளைஞர்கள் சேமிப்பில் கவனம் செலுத்தாமல் அனாவசியச் செலவுகளைச் செய்கிறார்கள் என்ற விமர்சனம் நிலவுகிறது. ஆனால், தற்போதைய விலைவாசி உயர்வு மற்றும் வாழ்க்கைச் செலவினங்கள் காரணமாக, அவர்கள் ‘ஆடம்பர வாழ்க்கை’ வாழவில்லை; மாறாகத் தங்களின் அன்றாட அடிப்படை வாழ்வாதாரத் தேவைகளைப் பூர்த்தி செய்வதற்கே தங்களது வருமானத்தைப் பெரும்பான்மையாகச் செலவிட்டு வருகின்றனர் என்பதை இந்த ஆய்வு சுட்டிக்காட்டுகிறது. அன்றாடச் செலவுகள் மற்றும் மாதாந்திரப் பொறுப்புகள் அதிகரித்துள்ள நிலையில், இளைஞர்கள் தங்களது நிதியை மிகவும் கவனமாகக் கையாள வேண்டிய சூழலுக்குத் தள்ளப்பட்டுள்ளனர் என்பதே இந்த ஆய்வின் முக்கியச் சாராம்சமாகும்.