தமிழ்நாடு சட்டமன்றப் பேரவையின் கூட்டத்தொடர்கள் தற்போது நேரலை மூலம் பொதுமக்களால் பரவலாகக் கவனிக்கப்பட்டு வரும் நிலையில், சட்டமன்ற உறுப்பினர்களின் (எம்.எல்.ஏ.) உண்மையான அதிகாரங்கள், சலுகைகள் மற்றும் அவை சார்ந்த செயல்பாடுகள் குறித்து விரிவான தகவல்களை பார்ப்போம்.
தமிழகத்தில் உள்ள 234 சட்டமன்ற உறுப்பினர்களும் சுமார் 8 கோடி மக்களின் பிரதிநிதிகளாகச் செயல்படுகின்றனர்
சட்டமன்றக் கூட்டத்தொடர் மற்றும் நடைமுறைகள்
இந்திய அரசியலமைப்புச் சட்டத்தின் விதிகளின்படி (Article 168, 174 முதல் 201 வரை) மாநில சட்டமன்றக் கூட்டத்தொடர் ஆளுநரால் கூட்டப்படுகிறது சட்டமன்றத்தில் இரங்கல் தீர்மானங்கள், கேள்வி நேரம் (Question Hour), பூஜ்ஜிய நேரம் (Zero Hour), குறியிட்ட மற்றும் குறியிடப்படாத வினாக்கள், கவன ஈர்ப்பு தீர்மானம், வெட்டு தீர்மானம் மற்றும் விதி 110-ன் கீழ் அறிவிப்புகள் வெளியிடுதல் போன்ற பல்வேறு முறைகளின் கீழ் விவாதங்களும் பணிகளும் நடைபெறுகின்றன. குறிப்பாக, விதி 110-ன் கீழ் முதலமைச்சர் எந்தவொரு திட்டங்கள் அல்லது அறிவிப்புகளை வெளியிட்டால் அதன் மீது விவாதம் நடைபெறாது.
சட்டமன்ற உறுப்பினர்களின் அதிகாரங்களும் புரோட்டோகாலும்
சட்டமன்ற உறுப்பினர் என்பவர்கள் வெறும் சடங்கு மற்றும் சமூக நிகழ்வுகளில் கலந்துகொள்ளும் நபர்கள் மட்டுமல்ல, மாறாக மக்களின் குறைகளைக் கேட்டு அவற்றை நிவர்த்தி செய்யும் பெரும்பொறுப்பு கொண்டவர்கள்.
முன்னுரிமை (Warrant of Precedence): மாவட்ட நிர்வாகத்தைப் பொறுத்தவரை, அரசு நெறிமுறைப் புரோட்டோகால் படி மாவட்ட ஆட்சியர் (Collector) அல்லது காவல் கண்காணிப்பாளர் (SP) ஆகியோரை விடச் சட்டமன்ற உறுப்பினர்தான் அந்த மாவட்டத்தில் முதன்மையான முன்னுரிமை பெறுகிறார்
அதிகாரிகளுடன் உரையாடுதல்: மக்கள் பிரதிநிதிகளாக உள்ள எம்.எல்.ஏ.க்கள் எந்தவொரு அதிகாரியிடமும் தயங்கி நிற்கத் தேவையில்லை; மக்களின் நலனுக்காகத் தைரியமாக அதிகாரிகளிடம் கோரிக்கைகளை வைக்கலாம்.
மேடைகளில் முன்னுரிமை: மாநகராட்சி மேயர்களை விடவும் அந்தந்தப் பகுதி சட்டமன்ற உறுப்பினர்களுக்கே முதல் மரியாதை மற்றும் முன்னுரிமை வழங்கப்பட வேண்டும் என்பது விதிமுறையாகும்.
எம்.எல்.ஏ.க்களுக்கான சலுகைகள் மற்றும் பொறுப்புகள்
தமிழ்நாடு சட்டமன்ற வரலாற்றில் முதன்முறையாக அனைத்து சட்டமன்ற உறுப்பினர்களுக்கும் வாகனங்கள் மற்றும் பராமரிப்புச் செலவுக்கான உதவிகள் அறிவிக்கப்பட்டுள்ளமை குறிப்பிடத்தக்கது. இருப்பினும், இந்த வசதிகள் மற்றும் அதிகாரங்கள் தனிப்பட்ட நலனுக்காக அல்லாமல், முழுக்க முழுக்க பொதுமக்களின் தேவைகளுக்காகவும் அவர்களின் நலனை மேம்படுத்துவதற்காகவுமே பயன்படுத்தப்பட வேண்டும் என்று வலியுறுத்தப்படுகிறது.
கேள்விகளுக்கான பதிலளிப்பதில் தாமதம்
சட்டமன்றத்தில் உறுப்பினர்கள் எழுப்பும் கேள்விகளுக்குச் சம்பந்தப்பட்ட துறைகள் மற்றும் அமைச்சகங்கள் தரப்பிலிருந்து உரிய பதில்கள் உடனடியாக வழங்கப்பட வேண்டும். சில நேரங்களில் கேள்விகளுக்குப் பதில் கிடைக்க பல மாதங்கள் அல்லது ஆண்டுகள் தாமதமாகும் நிலை மாறுவதோடு, அரசுத்துறைகள் மற்றும் செயலாளர்கள் இதுகுறித்து உரிய கவனம் செலுத்தி உடனுக்குடன் பதில்களை அளிக்க வேண்டும் என்ற கோரிக்கையும் எழுந்துள்ளது.
சட்டமன்றத்தின் செயல்பாடுகள், சபாநாயகரின் அதிகாரங்கள் மற்றும் சட்டப்பேரவைச் செயலாளரின் பணிகள் குறித்த விழிப்புணர்வு பொதுமக்களுக்கும், மாணவர்களுக்கும், அரசியல் ஆர்வலர்களுக்கும் பெரிதும் பயனுள்ளதாக அமையும்.
நூறு நாள் ஆட்சி… நொந்து போன வாக்குறுதிகள்- தவெகவின் போக்கைக் கிழித்துத் தள்ளும் எஸ்.பி லச்சுமணன்!