வாரணாசியில் விழிப்பூட்டும் அளவைக் கடந்த கங்கை நதி வெள்ளம்: நிவாரணப் பணிகளை நேரடியாகக் கண்காணிக்கும் பிரதமர் மோடி!

உத்தரப் பிரதேச மாநிலம் வாரணாசியில் இடைவிடாத மழையின் காரணமாகக் கங்கை நதியின் நீர்மட்டம் எச்சரிக்கை அளவைக் கடந்து உயர்ந்துள்ளதால், அங்கு ஏற்பட்டுள்ள வெள்ள நிலைமையைப் பிரதமர் நரேந்திர மோடி தீவிரமாகக் கண்காணித்து வருகிறார். மேலும், பாதிக்கப்பட்ட பகுதிகளில் நிவாரணப் பணிகளைப் போர்க்கால அடிப்படையில் துரிதப்படுத்துமாறு அதிகாரிகளுக்கு அவர் உத்தரவிட்டுள்ளார்.

வாரணாசியில் கடந்த சில நாட்களாகப் பெய்துவரும் தொடர் மழை மற்றும் நீர்வரத்து அதிகரிப்பு காரணமாக, கங்கை நதி அதன் எச்சரிக்கை அளவான 70.26 மீட்டரைக் கடந்து கிடுகிடுவென உயர்ந்து வருகிறது. மத்திய நீர் ஆணையத்தின் (CWC) தரவுகளின்படி, ராஜ்காட் பகுதியில் கங்கையின் நீர்மட்டம் தொடர்ந்து அதிகரித்து வருவதால், தாழ்வான பகுதிகளில் உள்ள குடியிருப்புப் பகுதிக்குள் வெள்ள நீர் புகுந்துள்ளது. நதியின் நீர்மட்டம் உயர்ந்து வருவதையொட்டி, பாதுகாப்புக் கருதி கங்கையில் படகு இயக்கத் தடை விதிக்கப்பட்டுள்ளதுடன், கரையோரப் பகுதி மக்களும் பாதுகாப்பான இடங்களுக்கு மாற்றப்பட்டு வருகின்றனர்.

வாரணாசி தொகுதியின் நாடாளுமன்ற உறுப்பினருமான பிரதமர் நரேந்திர மோடி, தில்லியில் இருந்தபடியே மாவட்ட நிர்வாகத்துடன் தொலைபேசி வாயிலாகத் தொடர்பு கொண்டு நிலவரங்களைக் கேட்டறிந்தார்.

வாரணாசி மாவட்ட ஆட்சியர் சத்யேந்திர குமாருடன் தொலைபேசியில் பேசிய பிரதமர்:

ஆகியவை குறித்து விரிவாக விசாரித்தறிந்தார்.

வெள்ளத்தால் பாதிக்கப்பட்டுள்ள பொதுமக்களுக்குத் தேவையான அனைத்து உதவிகளையும் தாமதமின்றி வழங்குமாறு மாவட்ட நிர்வாகத்திற்குப் பிரதமர் உத்தரவிட்டுள்ளார். மேலும் இதுகுறித்து அவர் வழங்கிய அறிவுறுத்தல்கள்:

பிரதமரின் நேரடித் தலையீட்டைத் தொடர்ந்து, வாரணாசி மாவட்ட நிர்வாகமும், தேசியப் பேரிடர் மீட்புப் படையும் (NDRF) இணைந்து கரையோரப் பகுதிகளில் தீவிர கண்காணிப்புப் பணிகளிலும், மீட்பு நடவடிக்கைகளிலும் ஈடுபட்டு வருகின்றன.