இந்தியாவில் டிஜிட்டல் பணப்பரிவர்த்தனைகள் தொடர்ந்து அதிகரித்து வரும் நிலையில், ஏ.டி.எம். மூலம் மேற்கொள்ளப்படும் பணப்பரிவர்த்தனையின் மதிப்பு கடந்த 4 ஆண்டுகளில் கணிசமாக குறைந்துள்ளதாக இந்திய ரிசர்வ் வங்கியின் தரவுகள் தெரிவிக்கின்றன.
4 ஆண்டுகளில் 18.9% சரிவு
RBI வெளியிட்டுள்ள புள்ளிவிவரங்களின்படி, 2022-ம் ஆண்டு ஜூலை மாதத்தில் ஏ.டி.எம். மூலம் ரூ.2 லட்சத்து 72 ஆயிரத்து 103 கோடி அளவுக்கு பணப்பரிவர்த்தனை நடைபெற்றுள்ளது.
அதன்பின்னர் இந்த மதிப்பு தொடர்ந்து குறைந்துள்ளது. 2023-ம் ஆண்டு ஜூலையில் ரூ.2 லட்சத்து 69 ஆயிரத்து 298 கோடியாகவும், 2024-ல் ரூ.2 லட்சத்து 50 ஆயிரத்து 318 கோடியாகவும், 2025-ல் ரூ.2 லட்சத்து 32 ஆயிரத்து 955 கோடியாகவும் இருந்துள்ளது.
2026-ம் ஆண்டு ஜூலை மாதத்தில் ஏ.டி.எம். மூலம் நடைபெற்ற பணப்பரிவர்த்தனை ரூ.2 லட்சத்து 20 ஆயிரத்து 592 கோடியாக மேலும் குறைந்துள்ளது.
அதாவது, 2022 ஜூலை மாதத்துடன் ஒப்பிடும்போது 2026 ஜூலை மாதத்தில் ரூ.51,511 கோடி அளவுக்கு பரிவர்த்தனை மதிப்பு குறைந்துள்ளது. இது 18.9 சதவீத சரிவாகும்.
டிஜிட்டல் பணப்பரிவர்த்தனைகள் அதிகரிப்பு
UPI உள்ளிட்ட டிஜிட்டல் பணப்பரிவர்த்தனை முறைகள் இந்தியாவில் வேகமாக வளர்ந்து வருவது, ஏ.டி.எம். மற்றும் பணம் சார்ந்த பாரம்பரிய பரிவர்த்தனைகளில் ஏற்பட்டுள்ள மாற்றத்துடன் தொடர்புடையதாக பார்க்கப்படுகிறது.
சமீபத்திய தரவுகளிலும் UPI QR குறியீடுகள் மற்றும் ஆன்லைன் பரிவர்த்தனைகள் அதிகரித்து வரும் நிலையில், ஏ.டி.எம். போன்ற பாரம்பரிய பணப்பரிவர்த்தனை உள்கட்டமைப்பில் வளர்ச்சி குறைந்து வருவது குறிப்பிடப்பட்டுள்ளது.
ஆண்டுவாரியாக ஏ.டி.எம். பணப்பரிவர்த்தனை
2022 ஜூலை – ரூ.2,72,103 கோடி
2023 ஜூலை – ரூ.2,69,298 கோடி
2024 ஜூலை – ரூ.2,50,318 கோடி
2025 ஜூலை – ரூ.2,32,955 கோடி
2026 ஜூலை – ரூ.2,20,592 கோடி
இதன் மூலம் கடந்த நான்கு ஆண்டுகளில் ஏ.டி.எம். வழியாக மேற்கொள்ளப்படும் பணப்பரிவர்த்தனையில் தொடர்ந்து சரிவு ஏற்பட்டிருப்பது RBI தரவுகள் மூலம் தெரியவருகிறது.