பிரபல சமையல் கலைஞர் செஃப் தாமு (கே. தாமோதரன்) மறைவுக்கு அதிமுக பொதுச்செயலாளர் எடப்பாடி பழனிசாமி ஆழ்ந்த இரங்கல் தெரிவித்துள்ளார். அவரது மறைவு செய்தி அறிந்து அதிர்ச்சியும் வேதனையும் அடைந்ததாக அவர் குறிப்பிட்டுள்ளார்.
சமையலில் கின்னஸ் சாதனை படைத்தவர்
இந்தியாவின் சிறந்த சமையல் கலைஞர்களில் ஒருவரான செஃப் தாமு, தனது சமையல் திறமையால் தனித்துவமான அடையாளத்தைப் பெற்றவர் என்றும், சமையலில் கின்னஸ் சாதனை படைத்தவர் என்றும் எடப்பாடி பழனிசாமி தெரிவித்துள்ளார்.
தொலைக்காட்சி நிகழ்ச்சிகள் வாயிலாகச் சமையல் கலையை மக்களிடம் கொண்டு சேர்த்த அவரது பங்களிப்பு குறிப்பிடத்தக்கது.
குடும்பத்தினருக்கு ஆழ்ந்த இரங்கல்
செஃப் தாமுவை இழந்து வாடும் அவரது குடும்பத்தினர், சமையல் துறையைச் சேர்ந்தவர்கள் மற்றும் சின்னத்திரை உலகத்தினர் அனைவருக்கும் தனது ஆழ்ந்த இரங்கலைத் தெரிவித்துக் கொள்வதாக எடப்பாடி பழனிசாமி கூறியுள்ளார்.
செஃப் தாமுவின் மறைவு சமையல் கலைத் துறையினரிடையிலும், அவரை நேசித்த ரசிகர்களிடையிலும் சோகத்தை ஏற்படுத்தியுள்ளது.