தனுஷ்- அருண் மாதேஸ்வரன் கூட்டணியின் ‘கேப்டன் மில்லர்’… ரிலீஸ் தேதியில் ஏற்பட்ட மாற்றம்!

தனுஷ் நடிக்கும் கேப்டன் மில்லர் படத்தின் ரிலீஸ் தேதி மாற்றப்பட்டுள்ளதாகக் கூறப்படுகிறது.

‘ராக்கி, சாணிக் காயிதம் படங்களின் இயக்குனர் அருண் மாதேஸ்வரன் இயக்கத்தில் தற்போது தனுஷ் நடிக்கும் திரைப்படம் ‘கேப்டன் மில்லர்’.

இந்தப் படத்தில் பிரியங்கா மோகன், சந்திப் கிஷன், நிவேதிதா சதீஷ், சிவராஜ் குமார், ஜான் கொக்கேன் உள்ளிட்டோர் நடித்து வருகின்றனர்.

இந்தப் படத்தை சத்யஜோதி பிலிம்ஸ் நிறுவனம் தயாரிக்கிறது. ஜிவி பிரகாஷ் இதற்கு இசை அமைக்கிறார். படத்திற்கு கோலிவுட்டில் பெரும் எதிர்பார்ப்பு நிலவி வருகிறது.

இந்த படத்தின் சில முக்கிய காட்சிகள் சமீபத்தில் தென்காசி அருகே படமாக்கப்பட்டது. அதைத்தொடர்ந்து இந்த படம் வரும் தீபாவளி அன்று ரிலீஸ் ஆகும் என தகவல் வெளியான நிலையில், படப்பிடிப்பில் சில பிரச்சனைகள் இருப்பதினால் இந்த படம் வெளியாக தாமதமாகும் என்று தெரிகிறது.

அதன்படி இத்திரைப்படம் இந்த ஆண்டு இறுதியில் டிசம்பர் மாதத்தில் கிறிஸ்துமஸ் பண்டிகையை ஒட்டி வெளியாகலாம் என்று சினிமா வட்டாரங்கள் தெரிவிக்கின்றன.