துல்கர் சல்மான், சீதாராமம் படத்தின் மாபெரும் வெற்றிக்குப் பிறகு பல பான் இந்தியா படங்களில் நடித்து வருகிறார். அந்த வகையில் துல்கர் சல்மான் கடைசியாக நடித்திருந்த படம் கிங் ஆப் கொத்தா. இப்படம் துல்கர் சல்மானுக்கு எதிர்பார்த்த அளவில் வெற்றியை தரவில்லை.
அடுத்ததாக துல்கர் சல்மான், லக்கி பாஸ்கர் என்ற படத்தில் நடித்து வருகிறார். இந்தப் படத்தை கடந்தாண்டு தமிழில் தனுஷ் நடிப்பில் வெளியான வாத்தி படத்தின் இயக்குனர் வெங்கி அட்லூரி இயக்குகிறார். இந்த படம் சம்பந்தமான அறிவிப்பு சில மாதங்களுக்கு முன்பாகவே வெளியாகி படப்பிடிப்புகளும் விறுவிறுப்பாக நடைபெற்று வந்த நிலையில் படமானது இறுதி கட்ட படப்பிடிப்பை எட்டி உள்ளதாக கூறப்படுகிறது. 
சித்தாரா என்டர்டெயின்மென்ட், ஸ்ரீகரா ஸ்டுடியோஸ், ஃபார்ச்சூன் போர் சினிமாஸ் ஆகிய நிறுவனங்கள் இணைந்து இந்த படத்தை தயாரிக்கிறது. இந்த படத்திற்கு ஜிவி பிரகாஷ் இசை அமைக்கிறார். இதில் துல்கர் சல்மானுக்கு ஜோடியாக மீனாட்சி சவுத்ரி நடிக்கிறார்.
தற்போது இந்த படத்தின் போஸ்டரை பட குழுவினர் வெளியிட்டுள்ளனர் இந்த போஸ்டர் சமூக வலைதளங்களில் வைரலாகி வருகிறது. இந்த படம் தமிழ், தெலுங்கு, ஹிந்தி, மலையாளம் உள்ளிட்ட மொழிகளில் வெளியாக இருப்பதாகவும் அறிவிக்கப்பட்டுள்ளது. படம் தொடர்பான அடுத்தடுத்த அப்டேட்டுகள் விரைவில் வெளியாகும் என்று எதிர்பார்க்கப்படுகிறது.