ஏழு கடல் ஏழு மலை படத்திலிருந்து முதல் பாடல்… காதலர் தினமன்று வெளியீடு…

ராம் இயக்கத்தில் நிவின் பாலி, சூரி, அஞ்சலி உள்ளிட்டோர் நடித்துள்ள ஏழு கடல் ஏழு மலை படத்தின் முதல் பாடல் வரும் பிப்.14ம் தேதி வெளியாகிறது

தமிழ் திரையுலகில் ராமின் திரைப்படங்களுக்கு தனி ரசிகர் பட்டாளம் உள்ளது. கற்றது தமிழ் படத்தின் மூலம் தமிழ் சினிமாவில் அறிமுகமான ராம், இதைத் தொடர்ந்து, தங்க மீன் என்ற வெற்றிப்படத்தை கொடுத்தார். தரமணி, பேரன்பு ஆகியவை ராம் இயக்கிய திரைப்படங்கள். இவை அனைத்தும் ரசிகர்கள் மத்தியில் வரவேற்பை பெற்றன. அடுத்ததாக ராம் இயக்கத்தில் உருவாகி இருக்கும் திரைப்படம் ஏழு கடல் ஏழு மலை. இதில் பிரபல மலையாள நடிகர் நிவின்பாலி, அஞ்சலி மற்றும் சூரி ஆகியோர் முதன்மை கதாபாத்திரங்களில் நடித்திருக்கின்றனர்.

ராம் இயக்கும் இப்படத்திற்கு யுவன் சங்கர் ராஜா இசை அமைத்துள்ளார். இத்திரைப்படத்தின் படப்பிடிப்பு பணிகள் கடந்த ஆண்டு தொடங்கி நடைபெற்றன. கடந்த ஆண்டு இறுதியில் படத்தின் அப்டேட் அடுத்தடுத்து வெளியாகின. இப்படத்தின் கதாபாத்திர அறிமுக புகைப்படங்கள் வெளியாகின. அடுத்து, படத்தின் டீசர் வெளியானது. கிளிம்ப்ஸ் வீடியோவாக படக்குழு வெளியிட்டது.

இந்நிலையில், ஏழு கடல் ஏழு மலை படத்திலிருந்து மறுபடி நீ எனத் தொடங்கும் பாடல் வரும் காதலர் தினம் அன்று வெளியாகும் என படக்குழு அறிவித்துள்ளது. யுவன் சங்கர் ராஜா இசையமைத்துள்ள இப்பாடலுக்கு மதன் கார்க்கி பாடல் வரிகளை எழுதியுள்ளார்.