பிரமயுகம் படத்தின் மிரட்டலான டிரைலர் வெளியீடு

மம்மூட்டி நடிப்பில் உருவாகியிருக்கும் பிரமயுகம் படத்தின் ட்ரைலர் வெளியாகி இருக்கிறது.

கடந்த 2022-ம் ஆண்டு பூதகாலம் திரைப்படம் வெளியாகி ரசிகர்கள் மத்தியில் நல்ல விமர்சனங்களை பெற்றது. இப்படத்தை இயக்கியவர் ராகுல் சதாசிவம். இப்படத்தின் மூலம் முன்னணி இயக்குநராக உயர்ந்த ராகுல், அடுத்ததாக மம்மூட்டியை வைத்து இயக்கியிருக்கும் மலையாள திரைப்படம் தான் பிரமயுகம். மம்மூட்டி முதன்மை கதாபாத்திரத்தில் நடிக்க, அர்ஜூன் அசோகன், சித்தார்த், பரதன், அமல்டா லிஸ் உள்ளிட்ட பலர் முக்கிய கதாபாத்திரங்களில் நடித்திருக்கின்றனர்

இப்படத்தின் படப்பிடிப்பு, கடந்த ஆகஸ்ட் மாதம் தொடங்கியது. கிறிஸ்டோ சேவியர் இப்படத்திற்கு இசை அமைக்கிறார். நைட் சிப்ட் ஸ்டுடியோஸ் நிறுவனம் இத்திரைப்படத்தை தயாரித்து உள்ளது. இப்படத்தின் முதல் தோற்றம் கடந்த ஆண்டு வெளியாகி பெரும் வரவேற்பை பெற்றது. முற்றிலும் மாறுபட்ட தோற்றத்தில் மம்மூட்டி இப்படத்தில் நடித்திருக்கிறார். அண்மையில் இப்படத்தின் டீசரும் வெளியானது.

இந்நிலையில், பிரமயுகம் படத்தின் ட்ரைலர் வெளியாகி இருக்கிறது. அபுதாபியில் படத்தின் டிரைலர் வெளியிடப்பட்டது. மிரட்டலாக உள்ள இந்த முன்னோட்டம் இணையத்தில் வைரலாகி வருகிறது. வரும் 15-ம் தேதி படம் திரையரங்குகளுக்கு வருகிறது. மேலும், இத்திரைப்படம் முழுக்க முழுக்க கருப்பு, வெள்ளையில் மட்டுமே வெளியாகும் எனவும் படக்குழு அறிவித்துள்ளது.