“தமிழகத்தில் ஒரே கட்டமாகத் தேர்தலா?”- இந்திய தலைமைத் தேர்தல் ஆணையர் விளக்கம்!

நாடாளுமன்ற மக்களவைத் தேர்தல் தொடர்பாக சென்னையில் இந்திய தலைமைத் தேர்தல் ஆணையர் ராஜீவ்குமார், இரண்டு நாட்களாக அரசியல் கட்சிகள், மாவட்ட ஆட்சியர்கள், காவல்துறை அதிகாரிகள், தென்மாநில தேர்தல் அதிகாரிகளுடன் ஆலோசனை நடத்தியிருந்தார்.

காங்கிரஸ்- ஆம் ஆத்மி கட்சிகள் இடையே தொகுதி உடன்பாடு!

பின்னர் செய்தியாளர்களைச் சந்தித்த இந்திய தலைமைத் தேர்தல் ஆணையர் ராஜீவ்குமார், “தமிழகத்தில் தேசிய மற்றும் மாநில அரசியல் கட்சிகளுடன் ஆலோசனை நடத்தப்பட்டது. தேர்தலுக்கு இப்போதே ஒரு அரசியல் கட்சி பணப்பட்டுவாடா என புகார் வரப்பெற்றுள்ளது. தேர்தல் நேரத்தில் பணப்பட்டுவாடாவைத் தடுக்க பெரும்பாலான அரசியல் கட்சிகள் கோரிக்கை வைத்துள்ளன.

பணப்பட்டுவாடா மற்றும் மது விநியோகத்தைத் தடுக்க நடவடிக்கை எடுக்கப்பட்டுள்ளது. ஏடிஎம்மில் பணம் நிரப்பும் வாகனங்கள், ஆம்புலன்ஸ் என அனைத்து வாகனங்களும் தீவிரமாகக் கண்காணிக்கப்படும். தேர்தல் நடத்தை விதிகள் அமலானதும், ஆன்லைன் பணப்பரிவர்த்தனைகளும் கண்காணிக்கப்படும். மாநிலங்களுக்கு இடையே சோதனைச் சாவடிகள் அமைத்து கண்காணிக்கப்படும்.

நுகர்வோர் அதிகம் வாங்கும் பொருட்களை ஜிஎஸ்டி அமைப்பு கண்காணிக்க ஏற்பாடு செய்யப்படும். தேர்தல் நேரத்தில் மாலை 05.00 மணிக்கு மேல் வாகனங்கள் மூலம் ஏடிஎம்-களில் பணம் நிரப்ப அனுமதி இல்லை. தமிழகத்தில் 6.19 கோடி வாக்காளர்கள் உள்ளனர்; 3.04 கோடி ஆண் வாக்காளர்களும், 3.15 கோடி பெண் வாக்காளர்களும் உள்ளனர். தமிழகத்தில் பெண் வாக்காளர்களே அதிகம். தமிழகத்தில் 8,294 மூன்றாம் பாலினத்தவர் வாக்காளர்கள்.

ஆந்திரா சட்டப்பேரவை தேர்தல்…தெலுங்கு தேசம்-பவன் கல்யான் இடையே தொகுதி பங்கீடு!

பதற்றமான தொகுதிகள் கண்டறியப்பட்டு துணை ராணுவப்படைகள் நிறுத்தப்படும். தேர்தலுக்கு 7 நாட்களுக்கு முன் வாக்காளர்களுக்கு பூத் சிலிப் வழங்கப்படும். சி-விஜில் செயலி மூலம் பொதுமக்கள் தேர்தல் தொடர்பான புகார்களைத் தெரிவிக்கலாம்; புகார் பெற்ற 100 நிமிடங்களுக்குள் அது தொடர்பாக தேர்தல் ஆணையம் நடவடிக்கை எடுக்கும். தமிழகத்தில் ஒரே கட்டமாகத் தேர்தல் நடத்த வேண்டுமென்ற கோரிக்கை கவனத்தில் கொள்ளப்படும். ஒரே கட்டமாகத் தேர்தலை நடத்த வேண்டும் எனவும், பெரும்பாலான கட்சிகள் கேட்டுக் கொண்டுள்ளனர்.” இவ்வாறு தலைமைத் தேர்தல் ஆணையர் தெரிவித்துள்ளார்.