தி கோட் படத்தில் நடிக்கும் வெங்கட் பிரபு?… வெளியானது அசத்தல் தகவல்…
- Advertisement -
விஜய் நடிப்பில் உருவாகி வரும் தி கோட் திரைப்படத்தில் இயக்குநர் வெங்கட் பிரபுவும் முக்கிய கதாபாத்திரம் ஒன்றில் நடிப்பதாக தெரிகிறது.
நடிகர் விஜய் தற்போது நடிப்பு மற்றும் அரசியல் என இரண்டிலும் தனது கவனத்தை செலுத்தி வருகிறார். கடந்த ஆண்டு விஜய் நடிப்பில் பெரும் எதிர்பார்ப்புக்கு மத்தியில் வெளியான திரைப்படம் தான் லியோ. லோகேஷ் கனகராஜ் இத்திரைப்படத்தை இயக்கியிருந்தார். த்ரிஷா, கௌதம் மேனன். மிஷ்கின், சாண்டி மாஸ்டர் என பெரும் நட்சத்திர பட்டாளமே இத்திரைப்படத்தில் நடித்திருந்தது. படமும் மாபெரும் ஹிட் அடித்து சுமார்600 கோடி ரூபாய் வசூல் செய்தது.
லியோ படத்திற்கு பிறகு விஜய் நடிக்கும் புதிய திரைப்படம் தான் தி கோட். இப்படத்தை வெங்கட் பிரபு இயக்குகிறார். இது விஜய் நடிக்கும் 68-வது படமாகும். இப்படத்தை ஏஜிஎஸ் நிறுவனம் தயாரிக்கிறது. படத்திற்கு யுவன் சங்கர் ராஜா இசை அமைக்கிறார். இத்திரைப்படத்தில் விஜய்க்கு ஜோடியாக மீனாட்சி சௌத்ரி மற்றும் சினேகா, லைலா, பிரபுதேவா, பிரசாந்த், அஜ்மல், மைக் மோகன், பிரேம்ஜி உள்பட பலர் முக்கிய கதாபாத்திரங்களில் நடிக்கின்றனர். வெங்கட் பிரபுவின் ஆஸ்தான நாயகர்களும் இப்படத்தில் நடிக்கின்றனர்.
இப்படத்தின் முதல் கட்ட படப்பிடிப்பு அமெரிக்கா, தாய்லாந்து, இத்தாலி, சென்னை மற்றும் புதுச்சேரி என மாறி மாறி நடைபெற்ற நிலையில், தற்போது இறுதிக்கட்ட படப்பிடிப்பு ரஷ்யாவில் நடைபெற்று வருகிறது. இந்நிலையில், இப்படத்தில் இயக்குநர் வெங்கட் பிரபுவும் முக்கிய கதாபாத்திரம் ஒன்றில் நடித்துள்ளதாக தகவல் வெளியாகி உள்ளது. அவ்வாறு அமைந்தால், இது விஜய்யுடன் வெங்கட் பிரபு இணைந்து நடிக்கும் இரண்டாவது படமாகும். ஏற்கனவே சிவகாசி படத்தில் இருவரும் இணைந்து நடித்திருந்தது குறிப்பிடத்தக்கது
