பூரி ஜெகன்நாத் – விஜய் சேதுபதி கூட்டணியின் புதிய படம் தொடர்பான முக்கிய அறிவிப்பு வெளியாகி உள்ளது.
தமிழ் சினிமாவில் முக்கியமான நடிகர்களில் ஒருவரான விஜய் சேதுபதி தற்போது அடுத்தடுத்த படங்களில் பிஸியாக நடித்து வருகிறார். இவருடைய நடிப்பில் கடைசியாக ‘தலைவன் தலைவி’ திரைப்படம் வெளியானது. அடுத்தது இவர் ட்ரெயின், காந்தி டாக்ஸ் போன்ற படங்களில் நடித்துள்ளார். இது தவிர ’96 பார்ட் 2′ போன்ற படங்கள் விஜய் சேதுபதியின் கைவசம் உள்ளன. இதற்கிடையில் இவர், பிரபல தெலுங்கு இயக்குனர் பூரி ஜெகன்நாத் இயக்கத்தில் புதிய படம் ஒன்றில் நடிக்கப் போவதாக ஏற்கனவே தகவல் வெளியானது. அதன்படி பூரி கனெக்ட்ஸ் மற்றும் ஜேபி மோஷன் பிக்சர்ஸ் நிறுவனம் தயாரிக்கும் இந்த படம் தொடர்பான அதிகாரப்பூர்வ அறிவிப்பு வெளியாகி படப்பிடிப்புகளும் தொடங்கப்பட்டு விறுவிறுப்பாக நடைபெற்று வருகிறது. இப்படத்தில் விஜய் சேதுபதியுடன் இணைந்து தபு முக்கிய கதாபாத்திரத்தில் நடிப்பதாக சொல்லப்படுகிறது.
பான் இந்திய படமான இப்படம் தமிழ், தெலுங்கு, இந்தி, கன்னடம், மலையாளம் ஆகிய மொழிகளில் உருவாகி வருகிறது. எனவே இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. இந்நிலையில் இந்த படத்தின் முக்கிய அறிவிப்பை படக்குழு வெளியிட்டுள்ளது. அதன்படி வருகின்ற செப்டம்பர் 28ஆம் தேதி இப்படத்தின் டைட்டில் மற்றும் டீசர் வெளியாகும் என அதிகாரப்பூர்வமாக அறிவிக்கப்பட்டுள்ளது.