சென்னை பெருநகரில் போக்குவரத்து விதிமீறல்களைக் கட்டுப்படுத்தவும், சாலைப் பாதுகாப்பை மேம்படுத்தவும் இன்று (அக்டோபர் 31) ZERO TOLERANCE DAY (போக்குவரத்து விதிமீறல்களற்ற நாள்) கடைப்பிடிக்கப்படுகிறது.
இதையொட்டி, சென்னை பெருநகரின் அனைத்து முக்கிய மற்றும் பிரதான சாலைகளிலும் போக்குவரத்து காவல்துறை சார்பில் சிறப்பு அதிரடி சோதனைகள் மேற்கொள்ளப்பட்டு வருகின்றன. போக்குவரத்து விதிமீறல்களில் ஈடுபடும் வாகன ஓட்டிகள் மீது வழக்குகள் பதிவு செய்யப்பட்டு, கடுமையான நடவடிக்கைகள் எடுக்கப்படுகின்றன.
தலைக்கவசம், சீட் பெல்ட் அணியாதவர்களுக்கு எச்சரிக்கை!
இந்த சிறப்பு சோதனையின்போது, இருசக்கர வாகனங்களில் தலைக்கவசம் அணியாமல் பயணிப்போர், நான்கு சக்கர வாகனங்களில் சீட் பெல்ட் அணியாமல் செல்வோர் மீது தீவிர கண்காணிப்பு மேற்கொள்ளப்படுகிறது.
மேலும், போக்குவரத்து சிக்னல்களை மீறுவோர், அதிவேகமாகவும் ஆபத்தான முறையிலும் வாகனங்களை இயக்குவோர், வாகனம் ஓட்டும்போது கைப்பேசி பயன்படுத்துவோர் மீதும் வழக்குகள் பதிவு செய்யப்பட்டு நடவடிக்கை எடுக்கப்படுகிறது.
போக்குவரத்து விதிகளைப் பின்பற்ற காவல்துறை வேண்டுகோள்!
பொதுமக்கள் அனைவரும் போக்குவரத்து விதிகளை முறையாகக் கடைப்பிடித்து, போக்குவரத்து காவல்துறையின் நடவடிக்கைகளுக்கு முழு ஒத்துழைப்பு அளிக்க வேண்டும் என கேட்டுக்கொள்ளப்பட்டுள்ளது.
மனித உயிர் விலைமதிப்பற்றது. சாலை விபத்துகளைத் தடுப்பதுடன், அனைவருக்கும் பாதுகாப்பான பயணத்தை உறுதி செய்வதே இந்த சிறப்பு நடவடிக்கையின் முக்கிய நோக்கம் என சென்னை பெருநகர போக்குவரத்து காவல்துறை தெரிவித்துள்ளது.
சென்னை போக்குவரத்து காவல்துறைக்கு 50 புதிய இருசக்கர வாகனங்கள்!