- Advertisement -
28 வயதில் இளம் இசை அமைப்பாளர் பிரவீன்குமார் இன்று உயிரிழந்த சம்பவம், திரையுலகினர் மற்றும் ரசிகர்கள் மத்தியில் அதிர்ச்சியை ஏற்படுத்தி இருக்கிறது.
தமிழ் சினிமாவில் ஆயிரக்கணக்கில் இசை அமைப்பாளர்கள் இருந்தாலும், அதில் வெகு சிலரே ரசிகர்கள் மனதில் இடத்தை பிடிக்கின்றனர். அந்த வகையில் கோலிவுட் சினிமாவின் இளம் இசை அமைப்பாளர்களில் ஒருவர் பிரவீன்குமார். இவர் இராக்கதன், மேதகு உள்ளிட்ட திரைப்படங்களுக்கு இசை அமைத்து பிரபலம் அடைந்தவர். உடல் நலம் பாதிக்கப்பட்ட பிரவீன் குமார், சிகிச்சை பலனின்று இன்று உயிரிழந்தார். 28 வயதில் பிரவீன் குமார் காலமாகி இருப்பது திரையுலகினர் மத்தியில் பெரும் அதிர்ச்சியை ஏற்படுத்தி இருக்கிறது.
இசை அமைப்பாளர் பிரவீன் குமாரின் மறைவுக்கு திரையுலகினர் இரங்கல் தெரிவித்து வருகின்றனர். கடந்த சில நாட்களாகவே, உடல் நலம் பாதிக்கப்பட்டதால் தனியார் மருத்துவமனையில் அனுமதிக்கப்பட்டு தொடர் சிகிச்சை பெற்று வந்தார். இருப்பினும், அவசர சிகிச்சைக்காக அவர் ஓமந்தூரார் அரசு மருத்துவமனைக்கு மாற்றப்பட்டார்.
