பிரபல டான்ஸ் மாஸ்டர் ஒருவர் தளபதி 69 படத்தில் இணைந்துள்ளதாக தகவல் வெளியாகியிருக்கிறது.
நடிகர் விஜய் தற்போது ஹெச். வினோத் இயக்கத்தில் தனது 69 வது திரைப்படத்தில் நடித்து வருகிறார். இந்த படத்திற்கு தற்காலிகமாக தளபதி 69 என்று தலைப்பு வைக்கப்பட்டிருக்கிறது. இந்த படத்தில் விஜயுடன் இணைந்து பூஜா ஹெக்டே, பாபி தியோல், மமிதா பைஜு, பிரியாமணி, நரேன், பிரகாஷ்ராஜ், கௌதம் வாசுதேவ் மேனன் உள்ளிட்ட பலரும் முக்கிய கதாபாத்திரங்களில் நடித்து வருகின்றனர். இந்த படத்தினை கே வி என் ப்ரொடக்ஷன்ஸ் நிறுவனம் தயாரிக்க அனிருத் இதற்கு இசையமைக்கிறார். சத்யன் சூர்யன் இந்த படத்தின் ஒளிப்பதிவு பணிகளை கவனித்து வருகிறார். நடிகர் விஜயின் கடைசி படம் என்பதால் இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதே சமயம் இந்த படமானது அரசியல் சம்பந்தமான கதைக்களத்தில் உருவாகி வருவதாகவும் சொல்லப்படுகிறது. அதன்படி ஏற்கனவே இந்த படத்தின் படப்பிடிப்புகள் பூஜையுடன் தொடங்கப்பட்டு விறுவிறுப்பாக நடைபெற்று வருகின்றன. அடுத்தது இதன் அடுத்த கட்ட படப்பிடிப்பு இந்த மாதம் இரண்டாவது வாரத்தில் சென்னையில் தொடங்கும் என புதிய தகவல்கள் தெரிவிக்கின்றன. 
அதுமட்டுமில்லாமல் பொங்கல் தினத்தை முன்னிட்டு இந்த படத்திலிருந்து பர்ஸ்ட் லுக் போஸ்டர் மற்றும் டைட்டில் வெளியாகும் என எதிர்பார்க்கப்படுகிறது. இந்நிலையில் இந்த படத்தில் பிரபல டான்ஸ் மாஸ்டர் பாபா பாஸ்கர் முக்கிய கதாபாத்திரத்தில் நடிப்பதற்கு ஒப்பந்தமாகியுள்ளதாக லேட்டஸ்ட் அப்டேட் வெளிவந்துள்ளது. விரைவில் மற்ற அப்டேட்டுகளும் வெளிவரும் என நம்பப்படுகிறது.