தனுஷ் மிகப்பெரிய நடிகர்- ராஷ்மிகா நெகிழ்ச்சி

குட்டி தாடி, குறுகிய உடல்வாகு, இப்படியான தோற்றத்தில் அறிமுகமாகி கடும் விமர்சனங்களை சந்தித்து, அவற்றை எதிர்த்து தற்போது இந்திய சினிமாவில் உச்ச நாயகனாக அடியெடுத்துள்ளவர் நடிகர் தனுஷ். கோலிவுட் திரையுலகின் தங்க மகனாக கொண்டாடப்படும் தனுஷ், தற்போது ஹாலிவுட்டிலும் நடித்து வருகிறார். ஒவ்வொரு திரைப்படத்திலும் புதுமையான நடிப்பை வெளிக்கொண்டு வரும் நடிகர் தனுஷிற்கு ரசிகர்கள் பட்டாளம் ஏராளம். தமிழ் மட்டுமில்லை, தெலுங்கு, கன்னடம், மலையாளம், இந்தி என அவருக்கு பட்டி தொட்டி எங்கும் ரசிகர் கூட்டம் உள்ளது. தமிழில் கொடி நாட்டிய தனுஷ் பாலிவுட் பக்கம் திரும்பினார். முதல் படத்திலேயே முத்திரை பதித்த தனுஷ், அடுத்தடுத்து பாலிவுட்டில் கவனம் செலுத்தி வருகிறார்.

தனுஷ் நடிப்பில் உருவாகி இருக்கும் கேப்டன் மில்லர் திரைப்படம் பொங்கல் பண்டிகையை ஒட்டி திரையரங்குகளில் வெளியாகி மாபெரும் வரவேற்பை பெற்று வருகிறது. அத்துடன், பாக்ஸ் ஆபிஸில் வசூல் வேட்டை நடத்தி வருகிறது. இதையடுத்து, நடிகர் தனுஷ் பாலிவுட்டில் இரண்டு படங்களில் கமிட்டாகி நடித்து வருகிறார். இது தவிர ஹாலிவுட்டிலும் அவருக்கு பட வாய்ப்புகள் குவிந்து வருகின்றன.

Rashmika about #D51 💥 pic.twitter.com/WgL8V3Meln

— Venkatramanan (@VenkatRamanan_) January 18, 2024

தற்போது பாலிவுட்டில் இரண்டு திரைப்படங்களில் கமிட்டாகி நடித்து வருகிறார். மேலும், தெலுங்கில் சேகர் கம்முலா இயக்கத்தில் அவர் புதிய படம் நடித்து வருகிறார். இது தனுஷின் 51-வது திரைப்படமாகும். இதில் தனுஷுக்கு ஜோடியாக ராஷ்மிகா மந்தனா நடிக்கிறார். தமிழ், தெலுங்கு மற்றும் இந்தி மொழியில் இப்படம் உருவாகிறது. இப்படத்தின் படப்பிடிப்பு அண்மையில் பூஜையுடன் தொடங்கி நடைபெற்று வருகிறது. தற்போது தனுஷ் குறித்து பேசிய நடிகை ராஷ்மிகா, தனுஷ் மிகப்பெரிய நடிகர், அவருடன் நான் நடிக்க வேண்டும் என அதிகம் விரும்பினேன். எனது காட்சிகள் அடுத்த மாதம் தொடங்குகின்றன என தெரிவித்தார்.