அர்ஜூன் மகளுக்கு திருமணம்… முதலமைச்சருக்கு அழைப்பு…

கோலிவுட்டில் ஆக்‌ஷன் கிங் என்றால் அது ஒருவர் தான், அது அர்ஜூன் சார்ஜா. 80-களில் தொடங்கி இன்று வரை ஆக்‌ஷன் கிங்காகவே திரையில் வாழ்ந்து கொண்டிருக்கிறார். முதல்வன், தாய் மேல் ஆணை, அடிமை சங்கில், மேட்டுப்பட்டி மிராசு, எங்க ஊரு தம்பி, நான்தான் ராஜா என பல படங்கள் ரசிகர்களிடையே பெரும் வரவேற்பை பெற்றன. ஜெய்ஹிந் திரைப்படம் அவரது திரைவாழ்வில் ஒரு திருப்புமுனையாக அமைந்தது. இன்று வரை அனைவரின் விருப்பப் படமும் அதுதான்

ஆரம்பத்தில் ஹீரோவாக மட்டுமே திரையில் ஜொலித்த அவர், தற்போது வில்லனாகவும் ரசிகர்களை மிரட்டி வருகிறார். இரும்புத்திரை, ஹீரோ, கடல் ஆகிய படங்களில் வில்லனாக நடித்திருப்பார். அண்மையில் லோகேஷ் கனகராஜ் இயக்கத்தில் விஜய் நடித்த லியோ படத்தில் வில்லனாக நடித்திருப்பார். இத்திரைப்படத்தில் ஹரால்டு தாஸ் கதாபாத்திரம் பெரிதும் பேசப்பட்டது. அவரது மகள் ஐஸ்வர்யாவும் பட்டத்து யானை படத்தின் மூலம் நடிகையாக அறிமுகமாகினார். அண்மையில் அவருக்கும், நடிகர் ராமையா மகன் உமாபதி ராமையாவுக்கும் திருமண நிச்சயதார்த்தம் நடைபெற்று முடிந்தது.

பெற்றோர்கள் சம்மதத்துடன் இரு வீட்டார் முன்னிலையில் சென்னையில் நிச்சயதார்த்தம் நடைபெற்றது. இந்நிலையில், வரும் ஜூன் மாதம் இருவருக்கும் திருமணம் நடைபெற உள்ளது. இதையொட்டி, இரு வீட்டாரும் முதலமைச்சர் மு.க.ஸ்டாலினை குடும்பத்துடன் சந்தித்து திருமண அழைப்பிதழை வழங்கி இருக்கின்றனர். கெருகம்பாக்கத்தில் உள்ள அர்ஜூனக்கு சொந்தமான தோட்டத்தில் பிரம்மாண்டமாக திருமணம் நடைபெற உள்ளது.