சூப்பர் ஸ்டார் ரஜினிகாந்த் நடிப்பில் கடந்த 2023-ம் ஆண்டு வெளியான ‘ஜெயிலர்’ திரைப்படம் ரசிகர்களிடையே மிகப்பெரிய வரவேற்பை பெற்றது. நெல்சன் திலீப்குமார் இயக்கிய இந்தப் படத்தில் ரஜினிகாந்த், டைகர் முத்துவேல் பாண்டியன் என்ற கதாபாத்திரத்தில் நடித்திருந்தார்.
‘ஜெயிலர்’ படத்தின் வெற்றியைத் தொடர்ந்து அதன் இரண்டாம் பாகமான ‘ஜெயிலர் 2’ திரைப்படம் உருவாகியுள்ளது. சன் பிக்சர்ஸ் தயாரிக்கும் இப்படத்தின் அதிகாரப்பூர்வ டிரெய்லர் தற்போது வெளியாகியுள்ளது.
டிரெய்லரில் ரஜினிகாந்த் மீண்டும் டைகர் முத்துவேல் பாண்டியன் கதாபாத்திரத்தில் அதிரடியாக தோன்றுகிறார். முதல் பாகத்தில் நடந்த சம்பவங்களுக்கு பிறகு முத்துவேல் பாண்டியன் அமைதியான வாழ்க்கையில் இருப்பது போல் காட்சிகள் அமைந்துள்ளன.
ஒரு கட்டத்தில் அவர் டாக்சி ஓட்டுநராக இருப்பதும், எதிரிகளால் தேடப்படும் நிலையில் இருப்பதும் டிரெய்லரில் காட்டப்படுகிறது. ஆனால், முத்துவேல் பாண்டியன் தனது கடந்த காலத்தை மறைத்து கொண்டு மிகப்பெரிய குற்றவியல் வலையமைப்பை விசாரித்து வருவது போன்ற காட்சிகளும் இடம்பெற்றுள்ளன.
டிரெய்லரில் அதிரடி சண்டைக் காட்சிகள், துப்பாக்கிச் சூடு, நெல்சனின் வழக்கமான நகைச்சுவை காட்சிகள் மற்றும் ரஜினிகாந்தின் மாஸ் காட்சிகள் இடம்பெற்றுள்ளன. எஸ்.ஜே.சூர்யா மற்றும் வித்யா பாலன் உள்ளிட்ட புதிய கதாபாத்திரங்களும் முக்கியத்துவம் பெற்றுள்ளன.
மேலும், முதல் பாகத்தில் நடித்த மோகன்லால், சிவராஜ்குமார் உள்ளிட்ட நட்சத்திரங்களும் மீண்டும் இடம்பெறுவது டிரெய்லர் மூலம் உறுதி செய்யப்பட்டுள்ளது. மிதுன் சக்ரவர்த்தியும் இப்படத்தில் இடம்பெற்றுள்ளார்.
இதற்கிடையே, டிரெய்லரில் இடம்பெறும் ஒரு மர்மமான உருவம் குறித்து ரசிகர்கள் மத்தியில் ஹிருத்திக் ரோஷன் தொடர்பான எதிர்பார்ப்பும் உருவாகியுள்ளது. எனினும், அவரது தோற்றம் குறித்து படக்குழு அதிகாரப்பூர்வமாக உறுதி செய்யவில்லை.
அனிருத் ரவிச்சந்தர் இசையமைக்கும் ‘ஜெயிலர் 2’ திரைப்படம் உலகம் முழுவதும் வரும் அக்டோபர் 15-ம் தேதி திரையரங்குகளில் வெளியாக உள்ளது.
7 ஆண்டுகளுக்குப் பிறகு மீண்டும் முதலிடம்! உலகின் அதிக வசூல் செய்த படமாக ‘அவெஞ்சர்ஸ்: எண்ட்கேம்’!