தமிழ், தெலுங்கு, இந்தி உள்ளிட்ட பல்வேறு மொழிகளில் நடித்து வரும் நடிகை தமன்னா, எதிர்காலத்தில் குழந்தைகள் பெற்றுக்கொண்டால் எப்படிப்பட்ட தாயாக இருப்பார் என்பது குறித்து மனம் திறந்து பேசியுள்ளார். தனது குழந்தைகளிடம் கண்டிப்பாக இருப்பதைவிட, அவர்களுக்கு ஒரு நல்ல தோழியாக இருக்கவே விரும்புவதாக அவர் தெரிவித்துள்ளார்.
“கண்டிப்பான அம்மாவாக இருப்பேன் என நினைக்கிறார்”
எதிர்காலத்தில் திருமணம் செய்து கொண்டு குழந்தைகள் பெற்றுக்கொண்டால் எப்படிப்பட்ட தாயாக இருப்பீர்கள் என்று தமன்னாவிடம் கேள்வி எழுப்பப்பட்டது.
இதற்கு பதிலளித்த அவர், தனது தாயார் தன்னை மிகவும் கண்டிப்பான அம்மாவாக இருப்பார் என்று நினைப்பதாக கூறியுள்ளார். ஆனால், அந்தக் கருத்தில் தனக்கு உடன்பாடு இல்லை என்றும் தமன்னா தெரிவித்துள்ளார்.
“நான் கூலான அம்மாவாக இருப்பேன்”
தான் மிகவும் கூலான அம்மாவாக இருப்பேன் என்று கூறிய தமன்னா, தனது குழந்தைகளுடன் சகஜமாகவும் ஜாலியாகவும் பழக விரும்புவதாக தெரிவித்துள்ளார்.
எப்போதும் கண்டிப்புடன் நடந்துகொள்ளும் தாயாக இருக்க விரும்பவில்லை என்றும், குழந்தைகளுடன் நெருக்கமாகப் பழக வேண்டும் என்பதே தனது விருப்பம் என்றும் அவர் கூறியுள்ளார்.
“குழந்தைகளுக்கு நல்ல தோழியாக இருக்க வேண்டும்”
தனது குழந்தைகளிடம் ஒரு தாயாக மட்டுமின்றி, அவர்களின் நல்ல தோழியாகவும் இருக்க வேண்டும் என்பதே தனது ஆசை என தமன்னா தெரிவித்துள்ளார்.
குழந்தைகள் சில நேரங்களில் பள்ளிக்குச் செல்லாமல் வீட்டில் மகிழ்ச்சியாக இருக்க வேண்டும் என்று சொல்லும் அளவுக்கு அவர்களுடன் நட்பாக இருக்க விரும்புவதாகவும் அவர் தனது பேட்டியில் தெரிவித்துள்ளார்.
சினிமாவில் பிசியாக இருக்கும் தமன்னா
தற்போது தமன்னா பல்வேறு திரைப்படங்கள் மற்றும் வெப் தொடர்களில் கவனம் செலுத்தி வருகிறார். தமிழில் சுந்தர்.சி இயக்கும் ‘புருஷன்’ திரைப்படத்தில் விஷாலுக்கு ஜோடியாக நடித்து வருகிறார். மேலும், இந்தியில் பல படங்களிலும் நடித்து வருகிறார்.
இந்நிலையில், ‘தி விவான்’ திரைப்படத்திலும் தமன்னா நடித்துள்ளார். தீபக் குமார் மிஷ்ரா இயக்கியுள்ள இப்படம் 10 நாட்களில் ரூ.76 கோடி வசூலித்துள்ளதாக படக்குழு தரப்பில் தெரிவிக்கப்பட்டுள்ளது.
ஏ.ஐ. தொழில்நுட்பத்தை தவறாக பயன்படுத்தி ஜான்வி கபூர் வீடியோ: வழக்குப்பதிவு செய்த சைபர் கிரைம் போலீஸ்!