பாஜகவில் இணையும் விஜய் பட தயாரிப்பாளர்?… சூடுபிடிக்கும் தேர்தல் களம்…

தெலுங்கு மொழியில் முக்கிய தயாரிப்பாளராக வலம் வருபவர் தில் ராஜூ. அவர் தெலுங்கு மொழி தயாரிப்பாளராக இருந்தாலும், கோலிவுட் திரையுலகிலும் அவர் பிரபலம் ஆனதற்கு முக்கிய காரணம் உண்டு. இவர், விஜய் நடித்த வாரிசு படத்தின் தயாரிப்பாளர் ஆவார். வம்சி இயக்கிய இப்படத்தில் நடிகர் விஜய் நாயகனாக நடித்திருந்தார். தமிழ் மற்றும் தெலுங்கு மொழிகளில் வாரிசு திரைப்படம் வெளியானது. இதில் சரத்குமார், ஷ்யாம் உள்பட பலர் முக்கிய கதாபாத்திரங்களில் நடத்திருந்தனர். படத்திற்கு தமன் இசை அமைத்திருந்தார்.

வாரிசு படம் மூலம் தமிழ் சினிமாவுக்குள் நுழைந்த தில் ராஜூ, தமிழ்நாட்டின் அடுத்த சூப்பர்ஸ்டார் யார் என்று சர்ச்சையை கிளப்பிவிட்டார். அதனால், இன்று வரை விஜய் ரசிகர்களும், ரஜினி ரசிகர்களும் சமூக வலைதளங்களில் போட்டி போட்டுக் கொண்டிருக்கின்றனர். தெலுங்கு மொழியில் அயலான் மற்றும் கேப்டன் மில்லர் படத்தை வௌியிடுவதில் பெரும் சிக்கல் நீடித்து வருகிறது.

இந்நிலையில், நாடாளுமன்ற தேர்தல் நெருங்கி வரும் நிலையில், தயாரிப்பாளர் தில் ராஜூ, அரசியலில் தடம் பதிக்க உள்ளார். அதே சமயம், பாஜக கட்சியில் அவர் இணைய உள்ளதாக கூறப்படுகிறது. மேலும், பாஜக தலைவர்ளும் தில் ராஜூவை நேரில் சந்தித்து பேசியிருக்கின்றனர். இருப்பினும் இது தொடர்பான அதிகாரப்பூர்வ அறிவிப்பு வெளிவர வில்லை.