‘வடசென்னை 2’ படம் பற்றி தரமான அப்டேட் கொடுத்த தனுஷ்…. கொண்டாட்டத்தில் ரசிகர்கள்!

நடிகர் தனுஷ், வடசென்னை 2 படம் பற்றிய புதிய தகவலை பகிர்ந்துள்ளார்.

கடந்த 2018 ஆம் ஆண்டு வெற்றிமாறன் இயக்கத்தில் தனுஷ் நடித்திருந்த திரைப்படம் தான் ‘வடசென்னை’. அரசியல் கலந்த கேங்ஸ்டர் ஜானரில் வெளியான இந்த படம் ரசிகர்களுக்கு விருந்து படைத்தது. எனவே அடுத்தபடியாக இதன் இரண்டாம் பாகத்தை எதிர்நோக்கி ரசிகர்கள் காத்துக் கொண்டிருக்கின்றனர். தனுஷ் தற்போது ஏகப்பட்ட படங்களில் பிஸியாக நடித்து வருவதால் ‘வடசென்னை 2’ திரைப்படம் தள்ளிப்போய்க்கொண்டே இருந்தது. ஆனால் கடந்த சில தினங்களுக்கு முன்னர் தனுஷ் நடித்துள்ள ‘இட்லி கடை’ படத்தின் இசை வெளியீட்டு விழாவின் போது தயாரிப்பாளர் ஐசரி கணேஷ், ‘வடசென்னை 2’ திரைப்படம் விரைவில் உருவாகும் என அப்டேட் கொடுத்திருந்தார். இந்த தகவலை ரசிகர்கள் கொண்டாடி முடிப்பதற்குள் தனுஷ் மீண்டும் ஒரு புதிய தகவலை பகிர்ந்து ரசிகர்களுக்கு இன்ப அதிர்ச்சியை கொடுத்திருக்கிறார். அதன்படி அண்மையில், மதுரையில் நடந்த ‘இட்லி கடை’ படத்தின் பிரீ ரிலீஸ் நிகழ்ச்சியில் தனுஷ், ‘வடசென்னை 2’ படத்தின் படப்பிடிப்பு அடுத்த ஆண்டு துவங்கும் என்றும் 2027-ல் ரிலீஸ் ஆகும் என்றும் கூறியுள்ளார்.

#VadaChennai2 – 2027 Release 🔥#Vetrimaaran 👀pic.twitter.com/CZbZttpNAS

— Kolly Corner (@kollycorner) September 24, 2025

இதைக் கேட்ட ரசிகர்கள் ஆரவாரம் எழுப்பி தங்களின் மகிழ்ச்சியை வெளிப்படுத்தினர். இது தொடர்பான வீடியோ இணையத்தில் வைரலாகி வருகிறது. மேலும் ‘வடசென்னை 2’ படம் தொடர்பான அதிகாரப்பூர்வ அறிவிப்பும், படத்தில் நடிக்கும் மற்ற நடிகர்கள் குறித்த விவரங்களும் விரைவில் வெளியாகும் என எதிர்பார்க்கப்படுகிறது.