வாலி, சிட்டிசன் உள்ளிட்ட படங்களின் தயாரிப்பாளர் நிக் ஆர்ட்ஸ் சக்கரவர்த்தி இன்று காலமானார்.
தமிழ் சினிமாவில் பிரபல தயாரிப்பாளராக வலம் வந்தவர் நிக் ஆர்ட்ஸ் எஸ்.எஸ். சக்கரவர்த்தி. இவர் நடிகர் அஜித்தின் நண்பரும் கூட.
அஜித் நடிப்பில் வெளியான ராசி, வாலி, முகவரி, சிட்டிசன், ரெட், வில்லன், ஆஞ்சநேயா, ஜி, வரலாறு ,உள்ளிட்ட 9 படங்களை சக்கரவர்த்தி தயாரித்துள்ளார்.
அஜித் படங்கள் ம் மட்டுமல்லாமல் காதல் சடுகுடு, சிம்பு நடித்த காளை, வாலு ஆகிய படங்களையும் தயாரித்திருந்தார்.
அதையடுத்து சிம்பு நடிப்பில் வேட்டை மன்னன் படத்தைத் தயாரித்தார். ஆனால் அந்தப் படம் பல சிக்கல்கள் காரணமாக பாதியிலே நின்றது.
அதையடுத்து அவர் படங்கள் தயாரிப்பில் விலகி இருந்தார். கடைசியாக விமல் நடிப்பில் வெளியாகி பெரும் வரவேற்பைப் பெற்ற விலங்கு வெப் சீரிஸில் காவல்துறை அதிகாரியாக நடித்திருந்தார்.
கடந்த 8 மாதங்களாக சக்கரவர்த்தி புற்றுநோய் பாதிப்பால் அவதியுற்றார். அதற்காக சிகிச்சை பெற்று வந்த அவர் இன்று நள்ளிரவு உயிர் துறந்தார். இவரின் மறைவுக்கு பலரும் இரங்கல் தெரிவித்து வருகின்றனர்.