‘ஜனநாயகன்’ படத்தின் டீசர் ரிலீஸ் இந்த தேதியில் தானா?

ஜனநாயகன் படத்தின் டீசர் ரிலீஸ் குறித்த அப்டேட் வெளியாகியுள்ளது.

நடிகர் விஜயின் 69ஆவது படமாக உருவாகும் திரைப்படம் தான் ஜனநாயகன். இந்த படத்தை கேவிஎன் ப்ரொடக்ஷன்ஸ் நிறுவனம் தயாரிக்க ஹெச். வினோத் படத்தை இயக்குகிறார். அனிருத் இந்த படத்திற்கு இசையமைக்கிறார். அரசியல் சம்பந்தமான கதைக்களத்தில் உருவாகும் இந்த படத்தில் விஜய்க்கு ஜோடியாக பூஜா ஹெக்டே நடிக்கிறார். இவர்களுடன் இணைந்து மமிதா பைஜூ, பிரகாஷ்ராஜ், கௌதம் மேனன், பாபி தியோல், பிரியாமணி, நரேன் மற்றும் பலர் நடிக்கின்றனர். இந்த படத்தின் படப்பிடிப்பு ஏற்கனவே சென்னை, கொடைக்கானல் போன்ற பகுதிகளை விறுவிறுப்பாக நடைபெற்று வந்தது. அதன்படி படத்தின் படப்பிடிப்பு இறுதி கட்டத்தை நெருங்கி இருப்பதாகவும் இன்னும் சில நாட்களில் ஒட்டுமொத்த படப்பிடிப்பும் நிறைவடைந்துவிடும் எனவும் தகவல் வெளியாகி வருகின்றன. அதுமட்டுமில்லாமல் இந்த படத்தில் நடிகர் விஜய், ‘தளபதி வெற்றி கொண்டான்’ என்ற கதாபாத்திரத்தில் நடிப்பதாகவும் சமீபகாலமாக பல தகவல்கள் வெளியாகி எதிர்பார்ப்பை அதிகப்படுத்தி வருகிறது. இதற்கிடையில் இந்த படத்தில் இருந்து அடுத்தடுத்த போஸ்டர்கள் வெளியாகி ரசிகர்களை கவர்ந்தது. மேலும் படமானது 2026 ஜனவரி 9 அன்று திரைக்கு வர தயாராகி வருகிறது. இந்நிலையில் 2025 ஜூன் 22 விஜயின் பிறந்த நாளை முன்னிட்டு இந்த படத்தின் டீசர் வெளியாகும் என புதிய தகவல்கள் தெரிவிக்கின்றன. ஏற்கனவே விஜயின் பிறந்த நாளை முன்னிட்டு ஜனநாயகன் படத்தின் முதல் பாடல் வெளியாகும் என தகவல் கசிந்து இருந்தது குறிப்பிடத்தக்கது. இருப்பினும் விஜய் பிறந்தநாளன்று என்ன அப்டேட் வெளியாகும்? என்பதை பொறுத்திருந்துதான் பார்க்க வேண்டும்.