கல்கி 2898AD படத்தின் புதிய ட்ரெய்லர் ரிலீஸ் குறித்த அப்டேட் வெளியாகியுள்ளது.
நடிகர் பிரபாஸ், சலார் படத்தின் மாபெரும் வெற்றிக்கு பிறகு ராஜாசாப், ஸ்பிரிட் போன்ற படங்களில் நடிப்பதற்கு கமிட் ஆகியுள்ளார். அதேசமயம் நாக் அஸ்வின் இயக்கத்தில் கல்கி 2898AD திரைப்படத்திலும் நடித்துள்ளார். இந்த படம் மிகப் பிரமாண்டமாகவும் மிகுந்த எதிர்பார்ப்புகளுடனும் உருவாகியுள்ளது. வைஜெயந்தி மூவிஸ் நிறுவனம் தயாரிக்கும் இந்த படத்தில் பிரபாஸ், கமல்ஹாசன், அமிதாப் பச்சன், தீபிகா படுகோன் போன்ற பல ஸ்டார் நடிகர்கள் நடித்துள்ளனர். சந்தோஷ் நாராயணன் படத்திற்கு இசையமைத்துள்ளார். சயின்ஸ் பிக்சன் கதைக்களத்தில் இந்த படம் தயாராகியுள்ளது. ஏற்கனவே இந்த படத்தின் முன்னோட்டம், ட்ரைலர் போன்றவை வெளியாகி ரசிகர்களின் கவனம் ஈர்த்தது. அதைத் தொடர்ந்து படத்தின் முதல் பாடலும் சமீபத்தில் வெளியானது.
இந்நிலையில் இந்த படத்தின் புதிய ட்ரெய்லர் (ஜூன் 21) இன்று மாலை 6 மணி அளவில் வெளியாகும் என்று பட குழுவினர் புதிய போஸ்டர் ஒன்றை வெளியிட்டு அறிவித்துள்ளனர். இந்த ட்ரெய்லரானது நேற்று மும்பையில் நடைபெற்ற கல்கி படத்தில் ஃப்ரீ ரிலீஸ் விழாவில் திரையிடப்பட்ட போது ரசிகர்கள் மத்தியில் மிகப்பெரிய அளவில் வரவேற்பை பெற்றதாக சொல்லப்படுகிறது. மேலும் இந்த படம் 2024 ஜூன் 27 அன்று உலகம் முழுவதும் வெளியாக முழு வீச்சில் தயாராகி வருகிறது.