பாபி சிம்ஹா நடிக்கும் ராசாக்கர் படத்தின் நிகழ்ச்சியில் பிரபல பாலிவுட் நடிகை கங்கனா ரணாவத் கலந்து கொண்டார்.
தமிழில் குறுகிய காலத்திலேயே முன்னணி நடிகராக உயர்ந்த பெருமை நடிகர் பாபி சிம்ஹாவுக்கு உண்டு. அதுமட்டுமன்றி நடிப்பை தொடங்கிய சில ஆண்டுகளிலேயே அவர் இந்திய அரசின் உயரிய விருதாக கருதப்படும் தேசிய விருதை வென்றார். பீட்சா மற்றும் காதலில் சொதப்புவது எப்படி உள்ளிட்ட படங்களில் நடித்து தமிழ் திரை உலகில் அறிமுகமானவர் பாபி சிம்ஹா. அதைத் தொடர்ந்து சூது கவ்வும், ஜிகர்தண்டா உள்ளிட்ட படங்களின் மூலம் கவனம் பெற்றவர். ஜிகர்தண்டா படத்தில் நடித்ததற்காக தான் அவருக்கு தேசிய விருது வழங்கப்பட்டது.
நடிகராக மட்டுமன்றி வில்லன் வேடங்களிலும் பல படங்களில் நடித்து அசத்தியிருக்கிறார். தற்போது கமல் நடிக்கும் இந்தியன் 2 திரைப்படத்திலும் அவர் நடித்திருக்கிறார். அண்மையில் அவரது நடிப்பில் சலார் திரைப்படம் வெளியானது. இதில் முக்கிய கதாபாத்திரத்தில் பாபி சிம்ஹா நடித்திருந்தார். தற்போது மீண்டும் ஒரு வரலாற்று பின்னணி திரைப்படத்தில் நடித்து வருகிறார். இப்படத்திற்கு ராசாக்கர் என்று தலைப்பு வைக்கப்பட்டுள்ளது. யாத சத்யநாராயணா இயக்கும் இப்படத்தில் மகரந் தேஷ் பாண்டே, ராஜ் அருண் ஆகியோருடன் பாபி சிம்ஹாவும் முதன்மை வேடத்தில் நடிக்கிறார்.
