மதராஸி படத்தின் ஓடிடி ரிலீஸ் குறித்த அறிவிப்பு வெளியாகி உள்ளது.
சிவகார்த்திகேயன் நடிப்பில் கடந்த செப்டம்பர் 5ஆம் தேதி உலகம் முழுவதும் வெளியான திரைப்படம் தான் மதராஸி. இந்த படத்தை பிரபல இயக்குனர் ஏ.ஆர். முருகதாஸ் இயக்கியிருந்தார். இதில் சிவகார்த்திகேயனுடன் இணைந்து ருக்மினி வசந்த், வித்யூத் ஜம்வால், பிஜு மேனன், விக்ராந்த், சபீர் கல்லாரக்கல் மற்றும் பலர் நடித்திருந்தனர். ஸ்ரீ லட்சுமி மூவிஸ் நிறுவனம் இந்த படத்தை தயாரித்திருந்த நிலையில் அனிருத் இதற்கு இசையமைத்திருந்தார்.
காதல் கலந்த ஆக்சன் படமாக வெளியான இந்த படத்தில் சிவகார்த்திகேயன் ஆக்சன் காட்சிகளில் மிரட்டி இருந்தார். வித்யூத் ஸ்டைலிஷ் வில்லனாக கலக்கியிருந்தார். இருப்பினும் இந்த படத்தில் திரைக்கதை வலுவாக இல்லாததாலும், ஏ.ஆர். முருகதாஸின் முந்தைய படங்களை போல் ரசிகர்களை பெரிய அளவில் கவரவில்லை என்பதாலும் இப்படம் வசூலில் சரிவை சந்தித்தது. அந்த வகையில் வெளியான 14 நாட்களில் தான் இப்படம் ரூ.100 கோடியை வசூல் செய்தது.
Brace yourself for a mad ride with yours truly Madharaasi ❤️🔫#MadharaasiOnPrime, Oct 1@SriLakshmiMovie @Siva_Kartikeyan @ARMurugadoss @anirudhofficial @VidyutJammwal #BijuMenon @rukminitweets @actorshabeer @vikranth_offl @SudeepElamon pic.twitter.com/McLGlMBEN4
— prime video IN (@PrimeVideoIN) September 26, 2025
‘அமரன்’ படத்தின் மாபெரும் வெற்றிக்குப் பிறகு ‘மதராஸி’ படம் அதிக வசூலை வாரிக் குவிக்கும் என்று நம்பிய ரசிகர்களுக்கு இப்படம் ஏமாற்றத்தை தந்துள்ளது. இந்நிலையில் இந்த படம் வருகின்ற அக்டோபர் 1ஆம் தேதி அமேசான் பிரைமில் வெளியாகும் என அதிகாரப்பூர்வமாக அறிவிக்கப்பட்டுள்ளது.