நடிகர் மாதவன் அஜய் தேவ்கன் உடன் இணைந்து நடிக்க இருப்பதாகத் தெரிவிக்கப்படுகிறது.
நடிகர் மாதவன் தற்போது டெஸ்ட் படத்தில் நடித்து வருகிறார். இந்தப் படத்தில் சித்தார்த் மற்றும் நயன்தாரா ஆகியோரும் முன்னணிக் கதாபாத்திரங்களில் நடிக்கின்றனர். படத்திற்கு ‘டெஸ்ட்’ என்று தலைப்பு வைக்கப்பட்டுள்ளது. நடிகை மீரா ஜாஸ்மினும் இந்தப் படத்தில் இருக்கிறார். பல ஆண்டுகளுக்கு பிறகு அவர் மீண்டும் மாதவன் உடன் இணைந்து நடிக்கிறார்.
தமிழ்ப்படம், இறுதிச் சுற்று, விக்ரம் வேதா, மண்டேலா, ஜகமே தந்திரம் உள்ளிட்ட பல படங்களைத் தயாரித்த சசிகாந்த் இந்தப் படத்தின் மூலம் இயக்குனராக அறிமுகம் ஆகிறார். இந்தப் படத்திற்கு சந்தோஷ் நாராயணன் இசையமைக்க இருப்பதாகவும் கூறப்படுகிறது.
கிரிக்கெட் விளையாட்டை மையமாகக் கொண்டு உருவாகும் இந்தப் படத்தின் படப்பிடிப்பு தற்போது விறுவிறுப்பாக நடைபெற்று வருவதாகவும் தெரிவித்துள்ளனர்.
இந்நிலையில் மாதவன் அஜய் தேவ்கனுடன் இணைந்து இந்தியில் புதிய படத்தில் நடிக்கிறார். இந்தப் படத்தை குயின்’, ‘சூப்பர் 30’, ‘குட் பை’ உள்ளிட்ட படங்களை இயக்கிய விகாஸ் பால் இயக்குகிறார். இந்தப் படத்தின் படப்பிடிப்பு அடுத்த மாதம் தொடங்குகிறது.
இதற்கிடையில் மாதவன் இந்திய விஞ்ஞானி ஜிடி நாயுடுவின் வாழ்க்கை வரலாற்று படத்திலும் நடிக்க இருக்கிறார். இந்தப் படத்தை மித்ரன் ஜவஹர் இயக்குகிறார். சங்கரன் நாயர் பயோபிக்கிலும் மாதவன் நடிக்கிறார்.