மம்முட்டி நடிக்கும் பிரம்மயுகம் படத்தின் முக்கிய அறிவிப்பு வெளியாகி உள்ளது.
மம்முட்டி தற்போது பிரம்மயுகம் எனும் திரைப்படத்தில் நடிக்கிறார். இதனை ராகுல் சதாசிவன் இயக்குகிறார். இதில் மம்முட்டியுடன் இணைந்து சித்தார்த் பரதா, அர்ஜுன் அசோகன், அமல்டா லீஸ் நடிக்கிறார்கள். நைட் சிப்ட் ஸ்டுடியோஸ் மற்றும் ஒய் நாட் ஸ்டுடியோஸ் நிறுவனங்கள் இணைந்து இப்படத்தை தயாரிக்கிறது. கிறிஸ்டோ சேவியர் இதற்கு இசை அமைக்கிறார். இந்தப் படம் பான் இந்தியா ஹாரர் திரில்லர் கதை களத்தில் உருவாகிறது.
இந்த படத்தின் படப்பிடிப்பு சில நாட்களுக்கு முன்பாக பூஜையுடன் தொடங்கியது. அதைத்தொடர்ந்து டைட்டில் லுக் போஸ்டரையும் படக்குழுவினர் வெளியிட்டுள்ளனர். இப்படம் தமிழ், தெலுங்கு, இந்தி, மலையாளம், கன்னடம் உள்ளிட்ட மொழிகளில் உருவாகிறது. இந்நிலையில் மம்முட்டியின் 72 வது பிறந்த நாளை முன்னிட்டு பிரம்மயுகம் படத்தின் ஸ்பெஷல் போஸ்டரை நாளை வெளியிட இருப்பதாக படக்குழுவினர் அதிகாரப்பூர்வமாக அறிவித்துள்ளனர்.